Andijon davlat unibersiteti psixologiya kafedrasi

Trening psixologik asoslari fani bo’yicha amaliy mashg’ulotlari yuzasidan umuiy hisobot rejasi: 
1.
Ishning mavzusi, maqsadi va vazifalari. 
2.
Ishni amalga oshirish rejasi, tartibi yoki tuzilishi. 
3.
Bajarilgan ishga atroflicha tavsif (kengaytirilgan mazmun). 
4.
Olingan natijalar. 
5.
Maqsad – natija (operativ qayta aloqa, korrektsiya) sxemasida nazorat ishlari. 
6.
Xulosa va mulohazalar.
 
Mashg’ulotning borishi 
 
Berilgan nazariy ma’lumotlar bilan yaqindan tanishib chiqing. Zarur ishlanmalar (dars konspektlari, 
uslubiy qo’llanmalar, kerakli adabiyotlar) bilan qay darajada ta’minlanganligini yana bir karra tekshirib ko’ring. 
Mavjud qo’shimcha adabiyotlar, manbalarni yaqindan o’rganing. Manbadagi eng muhim jihatlarini ajratib, 
belgilab oling. Bajariladigan ish tuzilishini aniqlang.
Trening mashqlarini o’tkazish.
Trening talaba tomonidan o’tkaziladi. Quyida treninglarning
ayrimlarining tavsifini keltiramiz: 
1-mashq. 
“Ajurali arra” metodi 
Ajur fransuzcha «ajour» so‘zidan olingan bo‘lib, «bir yoqdan ikkinchi yoqqa o‘tgan, ikki tomoni ochiq» 
degan ma’noni anglatadi. 
Bu metoddan foydalanish quyidagi bosqichlarda amalga oshiriladi: 
-talaba-o‘quvchilardan 4-5 kishilik kichik guruhlar tashkil etiladi; 
-talaba-o‘quvchilarga beriladigan topshiriq va ularni bajarishda foydalaniladigan matnli materiallar bir 
nechta asosiy qismlar (masalan, reja asosida bir nechta mavzuchalar)ga qirqiladi; 
-mavzuchalar va ularga doir matnli materiallar paketi kichik guruhlarning har bir a’zosiga tarqatiladi; 
-kichik guruh a’zolari matnli materiallardan foydalanib topshiriqni bajarishga kirishadilar; 
-kichik guruhlarning yaxshi o‘zlashtiruvchi a’zolaridan ekspert guruhi tashkil etiladi; 
-ekspert guruhi a’zolari qo‘llaridagi topshiriqlarni hamkorlikda muhokama qilishib, boshqalarga o‘rgatish 
rejasini egallashadilar; 
-ekspertlar o‘zlarining dastlabki kichik guruhlariga qaytishib o‘rganganlarini boshqa sheriklariga 
o‘rgatishadi. 
O‘qitishga bunday yondashilganda talaba-o‘quvchilarning hamkorlikda ishlashlariga va katta hajmdagi 
o‘quv materiallarining o‘zlashtirilishiga erishiladi. 
Bu metoddan foydalanuvchi pedagog talaba-o‘quvchilarga taqdim etilgan topshiriqni bajarishga doir 
materiallarni qunt bilan o‘rganishni, birgalikda muhokama etishni, savol-javob qilishni, o‘rganganlarini 
boshqalarga o‘rgatishlari zarurligini oldindan aytadi.