Андижон давлат тиббиёт институти онкология ва тиббий радиология кафедраси

2. Ўқув модулининг мақсади ва вазифалари

2.1.Модулнинг мақсади-талабаларда тиббиётда қўлланиладиган
визуализациянинг янги технологиялари (анъанавий ва рақамли
рентгенологик текширувлар, ультратовуш текширувлари, компьютер
томография ва магнит-резонанс томография усуллари, радионуклид
диагностикаси) ни ва нур терапиясини муайян шароитларга мос холда
танлаб, усуллари буйича йуналиш сохасига мос билим, кўникма ва малака
шакллантиришдир.


2. Модулнинг вазифалари:

-Талабаларга нур диагностикаси усуллари: анъанавий рентгенологик
текширувлар, ультратовуш ва радионуклид диагностикаси ва уларнинг
ишлаш принциплари билан таништириш; педиатрияда рентгенологик,
ультратовуш, КТ, МРТ ва радионуклид текширув усулларининг
имкониятлари билан таништириш; болаларда учрайдиган суяк-бўғим
аппарати, нафас аъзолари, юрак-қон томир, ҳазм аъзолари, ажратув ва
репродуктив тизимлари касалликлари комплекс ташхис усуллари билан
таништириш; талабаларга рентгенограмма, эхотомограмма, компьютер ва
магнит-резонанс томограмма, сканограммаларида патологик жараённи
аниқлаш, текширув баённомаларини туғри талқин қилиш ва нур терапияси
усулларини ўргатишдан иборат.

2.3. Модул бўйича талабаларнинг билим, кўникмаларига қўйиладиган
талаблар:
6 семестр якунида
Талаба:
-нур диагностикасида қўлланиладиган ионловчи ва ноионловчи нурланишларнингтурлари;
- педиатрик радиологияда, хусусан суяк-бўғим тизими, эндокрин тизими,
хамда репродикутив тизимида қўлланиладиган нур диагностикаси
усулларининг имкониятлари;
-тиббий тасвирларни рақамли қайта ишлаш тизими;
- беморларни нур текширувларига тайёрлаш ҳамда уларнинг болаларда ўзига хосликлари;
- педиатрияда комплекс нур текширувларини қўллаш бўйича тактикаси;
- соғлом турмуш тарзини тарғибот қилиш;
- ионлаштирувчи нурланишдан ҳимояланиш воситалари ва нурланиш салбий таъсирини олдини олиш, даволаш ва камайтириш чоралари;
- радиацион халокатлар рўй бериши ва йўқотилишида ишчиларни ҳимоялаш воситалари ва тиббий чора-тадбирлари тўғрисида тасаввурга эга бўлиши;
- диагностик ва терапевтик нурланиш қўлланганда нурга қарши ҳимоя
принциплари ва меҳнатни ҳимоя қилиш чораларини;
- нур диагностикасида тасвир ҳосил қилишнинг асосий ва махсус усуллари
(рентгенологик, ультратовуш, магнит-резонанс, компьютер-томографик,
радионуклид) ҳамда болаларда ўзига хосликларини;
- нур диагностикаси ва терапияси аппаратларининг ишлаш принципини;
-суяк тўқимаси структур ўзгаришларининг асосий рентгенологик
симптомлари; синиш ва чиқишлар, суяк синишларининг ёшга хос асосий
ўзгаришлари, синган суяклар битишининг асосий рентгенологик симптомлари, остеомиелит, суяк-бўғим тизими сили ҳамда яхши ва ёмон сифатли ўсмалари симптомларини билиш ва улардан фойдалана олиши;
-болдир суякларининг нормал рентгенограммасини таърифлаш ва белгиланган тартибда протоколини тўлдириш;
-сон суяги тулиқ кия синиш рентгенограммасини таърифлаш ва белгиланган таърифлаш ва белгиланган тартибда протоколини тўлдириш;
-нормал қалқонсимон бези эхотомограммасини таърифлаш ва белгиланган
тартибда протоколини тўлдириш;
-бачадон бўшлиғи бачадон ичи спирали (БИС) эхотомограммасини таърифлаш ва белгиланган тартибда протоколини тўлдириш амалий кўникмаларига эгабўлиши керак.