Андижон давлат тиббиёт институти факультатив, госпитал терапия, халқ табобати ва эндокринология кафедраси

Патогенез: АДГ дефицити буйрак нефронлари каналчаларнинг дистал қисмида сийдик концентрациясининг бузилишига олиб келади, натижада ажралаётган сийдик-ҳажми ортиб, солиштирма оғирлиги эса пасаяди.
Чанқаш марказларининг стимуляцияси полидипсияга олиб келади ва дегидратацияни олдини олади.
Суюклик кабул қилинишини чеклаш, гиперосмоляр дегидратацияга олиб келади.
Клиник кўриниши. Беморда чанқаш, кўп сийиш кузатилади. Сутка давомида қабул килинадиган суюклик 3 литрдан 18 литргача , баъзан бу микдор 20-40 литргача етади. Болаларда никтурия кузатилади ,баъзан полиурия ўрнига диарея билан кечади. Сийдикнинг солиштирма оғирлиги паст бўлиб (1,000-1,005),патологик элементлар тутмайди.
Касаллик кўпинча кескин бошланади. Жисмоний ҳамда рухий астенизация полиурия ва полидипсияга ҳамрох бўлади. Беморнинг иштахаси паст, озғин бўлади.Касаллик гипоталамик ўзгаришларга боғлик бўлса, беморда семизлик кузатилиши мумкин.Терилар ва шиллиқ қаватлар қуруқ бўлади.Болаларда жинсий ва жисмоний ривожланиш орқада қолади.Ошкозон секрецияси ,ўт хосил булиши, ОИ тракти моторикаси бузилади. Қабзиятлар ривожланади, гипоацид гастрит, колитлар кузатилади.
Дегидратация кучайганда сувсизланиш симптомлари ривожланади: умумий қувватсизлик, тахикардия, гипотензия, коллапс.Сувсизланиш кучайиши билан бош оғриғи, кўнгил айниши, қайт қилиш, тана ҳароратининг кўтарилиши, қоннинг қуюқлашиши, қондаги натрий, эритроцитлар, гемоглабилин, колдик азот миқдори ортади.Беморда талваса психомотор кўзғолиш кузатилади.Хатто кучли дегидратацияда ва қон ҳажми камайганида ҳам полиурия сақланади, сийдик концентрацияси ва осмолярлиги кўтарилмайди.
Қандсиз диабет интракраниал хосила билан боғлиқ бўлган бўлса неврологик симптоматика кузатилади: бош оғриши, кўнгил айниши, бош айланиши бу холат, бош мия гипертензияси билан боғлиқ.
Диагностика.
1. Сийдикнинг солиштирма оғирлиги паст бўлади (< 1,005).

2. 
   Плазмада гиперосмолярлик кузатилади ( > 290 м осм/л ).
   
3. 
   Сийдикнинг гипоосмолярлиги (< 300 м осм/л).
   

Даволаш:
Даволаш учун адиуретин (лизин- вазопрессин,десмопрессин) 1-3 томчидан 1-3 маҳал интераназал қўлланилади. Даволашда диурез ва сийдикнинг солиштирма оғирлиги кузатилади. Нефроген қандсиз диабетда тиазидли сийдик ҳайдовчилар (хлорпропамид) хамда ностероид яллиғланишга қарши препаратлар литий препаратлари, диметилхлортетрациклин каби дорилари АДГ га сезувчанликни ортириши мумкин.