Анатомияси ўзбекистон Республикаси Олий ва ўрта махсус таълим

лар, замбуруғлар, бир ҳужайрали организмлардан — бак­
териялар ва баъзи сувўтлари сапрофит озикданади.
Ҳозирги вақгда кўпчилик олимлар замбуруғларни ўсим-
ликлар дунёсидан ажратиб алоҳида оламга киритишни
тавсия этишмоқда, чунки уларнинг ҳаётий даврида ҳара-
катчан ҳужайралар учрамайди. Аммо, замбуруғларнинг
баъзи белгилари: ҳужайранинг тўхтовсиз ўсиши, кўпайи-
ши, тубан ўсимликларга ўхшашлигини ҳисобга олиб, улар­
ни ўсимликларга қўшиб ўрганилади. Замбуруғларнинг эво­
люцияси бир ҳужайрали эукариотлардан бошланади.
Замбуруғларнинг кўпчилик вакиллари асосан сапрофит-
лар бўлиб, чириган органик моддалар ҳисобидан озиқла-
нади. Улар органик моддаларни парчалаб, табиатда мод­
далар алмашинуви, экологик мувозанатни сақлашда му-
ҳим биологик катализатор ҳисобланади. Органик моддалар
парчаланиш жараёнида атмосферага карбонат ангидрид
газини ажратиб, тупроқни азотли бирикмалар билан бойи-
тади. Замбуруғлар юксак ўсимликларнинг илдизи атро­
фида ўралиб, уларни сув ва минерал тузлар билан таъмин­
лайди. Юксак ўсимликларнинг замбуруғлар иштирокида
озиқланишига микотроф (юнон. -микос — замбуруғ) 
о зи қ -
ланиш
деб аталади.
Гетеротроф озиқланувчи ўсимликлар ва замбуруғлар
орасида паразит (юнон. паразитос — текинхўр)лар ҳам
учрайди. Улар ўсимлик ва ҳайвонлар ҳисобига яшайди.
Масалан, гулли ўсимликлардан — зарпечак, девпечак,
шумғия; замбуруғлардан эса қора куя, занг замбуруғлари
текинхўр — паразит озиқланувчиларга киради.
Ўсимликлар орасида аралаш миксотроф (юнонча мик-
сис — аралаш) озиқланиш ҳам учрайди. Бундай организ­
млар фотосинтез натижасида ҳосил қилинган органик
моддалардан ташқари, тайёр органик моддалар билан ҳам