Anatomiya odam tanasining shakli, tuzilishi, uning funktsiyalarini va

Qo’zg’alishni o’tkazuvchi yo’llar.
 Miya ustuni(stvoli)ning oq moddasi nerv 
tolalaridan  tashkil  topgan;  bu  tolalar  bosh  miyaning  qo’zg’alishlarni  o’tkazuvchi 
yo’llarini  hosil  qiladi,  qo’zg’alish  bu  yo’llar  orqali  past  tomonga  ham,  yuqori 
tomonga ham o’tkaziladi. Miya ustunining pastki uchida bu yo’llar orqa miyaning 
o’tkazuvchi yo’llariga aylanadi. Bu yo’llar miya ustuni markazlarini bir-biri bilan 
va  orqa  miya  markazlari  bilan  tutashtiradi.  Nervlarning  markazga  intiluvchi 
tolalari  va  yuqori  ko’tariluvchi  yo’llar  orqali  bosh  miya  ustuni  (stvoli) 
markazlariga  butun  gavda  retseptorlaridan  doimo  qo’zg’alish  kelib  turadi. 
Qo’zg’alish  miya  ustuni  markazlaridan  pastga  tushuvchi  yo’llar  va  markazdan 
chiquvchi  nervlar  tolalariga  o’tadi.  Qo’zg’alish  bu  tolalar  orqali  organlarga 
borib,  ularning  ishiga  ta`sir  etadi: yurak  faoliyatini  kuchaytiradi  yoki 
sekinlashtiradi, tomirlarni kengaytiradi yoki toraytiradi, ovqat hazm qilish hamda 
ter  bezlarining  sekretsiyasini  o’zgartiradi,  issiqlik  berishni  ko’paytiradi  yoki 
kamaytiradi,  hujayralarda  moddalar  almashinuvini  oshiradi  yoki  pasaytiradi  va 
hokazo. Bu reaksiyalarning hammasi shartsiz reflekslar tarzida amalga oshadi.