Anatomiya odam tanasining shakli, tuzilishi, uning funktsiyalarini va

32-§Arteriyalarning tuzilishi 
     Arteriyalar  devori  uch  qavat  pardadan  tuzilgan.  Ichki  qavat  qon  tomirning 
bo‘shlig‘i  tomonida  bir  qator  endoteliy  hujayralaridan  iborat  bo‘lib,  uning  ostida 
subendoteliy  va  ichki  elastik  membrana  joylashgan.  O‘rta  qavat  silliq  muskul 
tolalari  va  ular  o‘rtasida  joylashgan  elastik  tolalardan  iborat.  Tashqi  qavat 
biriktiruvchi  to‘qimadan  tashkil  topgan.  O‘rta  qavatdagi  elastik  va  muskul 
tolalarning miqdoriga qarab arteriyalar uch turga bo‘linadi. 

---

162 
 
 
1.Elastik turdagi arteriyalarga devorida elastik tolalar ko‘p bo‘lgan arteriyalar 
(aorta, o‘pka arteriyasi) kiradi. 
2.Muskul  turdagi  arteriyalarga  o‘rta  va  kichik  turdagi  arteriyalar  kiradi. 
Ularning  devorida  muskul  elimentlari  ko‘p  bo‘lib,  qisqarganda  qon  oqishini 
tezlatadi. 
3.Muskul  -  elastik  turdagi  arteriyalar  devorida  muskul  va  elastik  tolalar 
miqdori  teng  bo‘ladi.  Bu  turga  yirik  arteriyalar  (umumiy  yonbosh,  o‘mrov  osti, 
umumiy uyqu) kiradi.