Anatomiya odam tanasining shakli, tuzilishi, uning funktsiyalarini va

Me’da osti bezi. 
Me’da  osti  bezi 
(pancreas)
  hazm  bezlari  ichida  kattaligi  jihatidan  ikkinchi 
o’rinda  turadi.  U  cho’zinchoq  kulrang  pushti  rangli  a’zo  bo’lib,  me’daning 
orqasida I-II bel umurtqalari sohasida  ko’ndalang joylashadi. Uning uzunligi 14 -
18  sm,  kengligi  3-9  sm,  qalinligi  2-3  sm,  og’irligi  katta  odamda  o’rtacha  80  g 
keladi.  Me’da  osti  bezi  faoliyat  jihatidan  aralash,  tuzilishi  jihatidan  murakkab 
alveolyar-naysimon  bez  xisoblanadi.  Uni  tashqi  tomondan  yupqa    biriktiruvchi 
to’qimali kapsula qoplagan bo’lib, undan bez bo’lakchalari ko’rinib turadi. Me’da 
osti bezining uch: boshchasi, tanasi va dumsimon qismi tafovut  qilinadi.   
Bezning boshchasi o’n  ikki  barmoq  ichak  egriligida  joylashgan bo’lib, dumi 
ichak, buyrak va taloqqa taqaladi. Qorin pardasi bezni faqat old va past tomondan 
o’rab turadi. Me`da osti bezining yo’li o’n ikki barmoq ichakning orqa devoridagi 
umumiy  o’t  yo’li  bilan  birgalikda  ochiladi.  Me`da  osti  bezi  ovqat  xazm  qilishda 
muxim  rol  o’ynaydigan  shira  ishlab  chiqaradi.  Uning  orolchalar  deb  nomlangan 
aloxida  xujayralari  insulin  gormoni  ishlab  chiqaradi.  Bezning  bu  ichki  sekretsiya 
funksiyasi  deb  ataladi.  Ishlab  chiqarilgan  gormon  qonga  quyiladi.  Shunday  qilib, 
me’da osti bezi aralash - xam tashqi, xam ichki sekretsiya bezlariga kiradi.