Anatomiya odam tanasining shakli, tuzilishi, uning funktsiyalarini va

Qizilo’ngachning  bo’yin  qismi
  VII  bo’yin  umurtqasi  sohasiga  to’g’ri 
keladi.  Uning  old  tomonida  kekirdak,  orqasida  umurtqa  pog’onasi,  yon 
tomonlarida  esa  orqaga  qaytuvchi  hiqildoq  nervi  va  umumiy  uyqu  arteriyasi 
joylashgan.  
 
Qizilo’ngachning  ko’krak  qismi
  eng  uzun  qismi  bo’lib,  orqa  ko’ks 
oralig’ida umurtqa pog’onasini oldida joylashgan. 
 
Qizilo’ngachning  qorin  qismi
  1-3  sm  bo’lib,  jigar  chap  bo’lagini  orqa 
yuzasiga tegib turadi. 
 Qizilo’ngachning  devori quyidagi qavatlardan iborat: 

---

101 
 
 
 Shilliq qavat nisbatan qalin, yaxshi rivojlangan muskul qatlami bor. U ichki 
tomondan  ko’p  qavatli  yassi  epiteliy  bilan  qoplangan.  Shilliq  pardada  bo’ylama 
burmalar, a’zo bo’shlig’iga ochiladigan qizilo’ngachning shilliq ishlab chiqaruvchi 
bezlari va yakka-yakka limfoid tugunchalari joylashgan.  
 Shilliq  osti  qavat  yaxshi  rivojlangan  bo’lgani  uchun  shilliq  qavatda 
bo’ylama  burmalar  hosil  qiladi  va  qizilo’ngachning  ko’ndalang  kesmasida  uning 
bo’shlig’i  yulduzsimon  shaklda  ko’rinadi.  Bo’ylama  burmalar  ovqat  luqmasi 
o’tgan vaqtda tekislanib, qizilo’ngach bo’shlig’i kengayadi. 
Muskul qavat ikki: tashqi bo’ylama va ichki aylanma(xalqasimon) qavatdan 
tashkil topgan.  
Tashqi biriktiruvchi to’qimali qavat yumshoq tolali biriktiruvchi to’qimadan 
tashkil topgan. 
 Qizilo’ngachning boshlanish qismi traxeyaning bronxlarga bo’lingan qismiga 
to’g’ri kelgan joy va diafragmadan o’tayotgan qismi biroz toraygan bo’ladi. 
 A   
V 
S 
31-rasm. Qizilo’ngach( A) va oshqozonning  V,S ko‘rinishi.