Anatomiya fanidan amaliy mashg’ulotlar Tuzuvchi

_{O`zbekiston Respublikasi Oliy va O`rta maxsus ta`lim vazirligi}
Buxoro Davlat Universiteti

Anatomiya fanidan amaliy
mashg’ulotlar




Tuzuvchi: katta o'qituvchi: Shamsiyev N.A.

Kirish

O`zbekiston Respublikasi ta’lim to`g`risidagi qonuni hamda kadrlar tayyorlash milliy dasturining maqsad va vazifalaridan kelib chiqqan holda ta’lim tizimini tubdan isloh qilish shu bilan birga ta’lim muassasalarida etuk kadrlarni tayyorlash maqsadida ushbu qo`llanma yaratildi.

Ushbu «Anatomiya fanidan Amaliy mashg`ulotlari» nomli uslubiy qo`llanmada Amaliy darslariga mo`ljallangan mavzular yoritilgan bo`lib, unda: darsning maqsadi, kerakli jihozlar, ishning borishi va ishni rasmiylashtirishga doir tavsiyalar alohida ko`rsatib izohlangan.
Uslubiy qo`llanmada ba’zi bir murakkab Amaliy mashg`ulotlari bir nechta tajribalarga bo`lib berilgan.Shu bilan birga Amaliy mashg`ulotlarini o`tkazishdan oldin mavzuga doir nazariy qism bilan boyitilgan.
Uslubiy qo`llanma «Anatomiya» fani dasturi asosida tayyorlangan va Amaliy mashg`ulotlarining mavzulari jismoniy madaniyat bakalavr yo`nalishi-dagi talabalar uchun mo`ljallangan.Bu talabalarning Amaliy mashg`ulotlarini mukammal o`zlashtirishlari va o`z navbatida reyting nazoratlarini muvaffaqiyatli top-shirishlari uchun anchagina qulaylik yaratadi.Qo`llanmaning oxirida yurak-tomir va nafas sistemasi fiziologiyasiga oid masalalar ham berilgan. Bu esa talabalarning umumiy fiziologiya bo`yicha intelektual qobiliyatini oshirishga yordam beradi.
Hozirgi kunda kelib “Anatomiya” fani bo`yicha laboratoriya mashg`ulotlari uchun qo`llanmalar ancha eskirgan va bu kitoblarning aksariyati rus tilida chop etilgan. Shu muammolarni bartaraf etish maqsadida mazkur uslubiy qo’llanmani yozdik.
Uslubiy qo`llanma xato va kamchiliklardan xoli emas shuning uchun ham mualliflar oldindan uzr so`raydilar. Agarda fikr va maslahatlaringizni baham ko`rsangizlar mual-liflar sizlardan minnatdor bo`lar edilar.