Analitik kimyo

NaOH + HCl —» NaCl + H₂O;

Na₂CO₃ + HCl —> NaCl + NaHCO₃;

NaHCO₃ + HCl —> NaCl + H₂CO₃.

Analizni bajarish tartibi. Byuks qopqog‘i bilan analitik tarozida tortiladi, so‘ngra unga texnik NaOH ning hisoblangan miqdori solinadi va qopqog‘i darhol berkitilib yana analitik tarozida tortiladi. Byuksdagi NaOH voronka yordamida to‘liq 250 ml li o‘lchov kolbasiga solinadi. Eritma kolbaning belgisigacha suv bilan suyultiriladi va astoydil aralashtiriladi. Foydalaniladigan distillangan suv qaynatilib, undan CO₂ chiqarib yuborilgan va uy temperaturasigacha sovitilgan bo‘lishi кеrак. Hosil qilingan eritmadan pipetka yordamida alikvot qism olib titrlash kolbasiga solinadi, unga 3-4 tomchi fenolftalein qo‘shib, HCl ning standart eritmasi bilan qizil rang yo‘qolguncha titrlanadi.

Sarflangan HCl hajmi (V_HCl) yozib olinadi, rangsiz eritmaga 1-2 tomchi metiloranj indikatori qo‘shib, eritma sarg‘ish rangdan qizg‘ish rangga o‘tguncha titrlash davom ettiriladi. Sarflangan kislota hajmi (V_HCl) yana yozib olinadi. Natriy gidroksidning titrlash uchun zarur bo‘lgan tortimi

formula yordamida hisoblanadi.