Analitik kimyo laboratoriyasida ishlash qoidalari. I analitik guruh kationlari sifat reaksiyalari

Natriy kationining analitik reaksiyalari Na⁺ (2s²2p⁶)
Magniy uranilatsetat bilan mikrokristalloskopik reaksiyasi (farmakopeya usuli)
Natriy ioni sirka kislotali sharoitida rux uranilatsetat bilan sariq kristal cho‘kmani hosil qiladi: Na⁺+Mg²⁺+3UO₂²⁺+9CH₃COO^-+9H₂O=NaMg(UO₂)₃(CH₃COO)₉ х 9H₂O (ch)
Reaksiyani bajarish:
Buyum oynachasiga 1 tomchi natriy tuzining eritmasidan tomizib, ustiga 1 tomchi magniy uranilatsetat eritmasidan tomiziladi. 1-2 minutdan keyin mikroskop ostida sariq tetraedrik yoki oktaedrik shakldagi kristallarni ko‘rish mumkin.


Kaliy kationning analitik reaksiyalari К⁺ (3S²3P⁶)
Natriy geksanitrokobaltat (III) (NGNK) bilan reaksiyasi (farmakopeya usuli)
Kaliy kationi NGNK bilan sirka kislotali yoki neytral sharoitda sariq cho‘kmani hosil qiladi: 2K⁺+Na⁺+[Co(NO₂)₆]^3-=K₂Na[Co(NO₂)₆](ch)
Reaksiyani bajarish:
Probirkaga 1-2 tomchi kaliy tuzining eritmasiga Na₃[Co(NO₂)₆] eritmasidan 1-2 tomchi tomizing. Sariq rangli mayda kristallik cho‘kma hosil bo‘ladi. Reaksiyani bajarishda ammoniy va litiy kationlari xalaqit beradi.


Ammoniy kationining analitik reaksiyalari - NH₄⁺
Ishqor ta’sirida parchalanish reaksiyasi (farmakopeya usuli)
«Gaz kamerasi»da bajariladi.


NH₄⁺+OH^-= NH₃(g) + H₂O

Reaksiyani bajarish:

Probirkaga 8-10 tomchi ammoniy tuzi eritmasidan solib, ustiga shuncha xajmda ishqor eritmasidan tomizing va suv hammomida isiting . Probirka og‘ziga xo‘llangan qizil lakmus qog‘ozini tutsangiz, rangi ko‘karadi. Agar filtr qog‘ozini qo‘llab fenolftalein tomizsangiz, qog‘oz malina rangli bo‘ladi (maxsus reaksiya). Reaksiya gaz kamerasida bajariladi.