Amoat tashkilotlari va

Birinchidan, nodavlat notijorat tashkilotlari va fuqarolik jamiyatining boshqa institutlari faoliyat yuritishi uchun qonunchilik asoslarining yaratilishi
Mazkur sohaga qaratilgan 200 dan ortiq qonun hujjatlari qabul qilingan bо‘lib, ular jumlasiga «Jamoat birlashmalari tо‘g‘risida»gi (1991 y.), «Nodavlat notijorat tashkilotlari tо‘g‘risida»gi (1999 y.), «Jamoat fondlari tо‘g‘risida»gi (2003 y.), «Ijtimoiy sheriklik tо‘g‘risida»gi (2014 y.), «Jamoatchilik nazorati tо‘g‘risida»gi (2018 y.) qonunlarni sanab о‘tishimiz mumkin.
Shuningdek, mamlakatda nodavlat notijorat tashkilotlari son jahatdan ham о‘sib bormoqda. Hozirgi kunda О‘zbekistonda 9 mingdan ortiq nodavlat notijorat tashkiloti mavjud hamda 30 ta xalqaro va xorijiy nohukumat tashkilotlarining filial va vakolatxonalari faoliyat yuritmoqda.
Quyidagi jadvallar asosida О‘zbekistonda nodavlat notijorat tashkilotlarining rivojlanish tendensiyalari, ularning klassifikatsiyasi va jamiyatning turli ijtimoiy sohalar kesimidagi faoliyati statistik tahlil qilingan.
Ikkinchidan, fuqarolik jamiyati institutlari faoliyati rivojlanishining iqtisodiy va tashkiliy kafolatlarini shakllanishi
Mazkur sohada 2008 yilda qabul qilingan «Nodavlat notijorat tashkilotlari va fuqarolik jamiyatining boshqa institutlarini qо‘llab-quvvatlashni kuchaytirish chora-tadbilari tо‘g‘risida»gi О‘zbekiston Respublikasi Oliy Majlisi palatalarining qо‘shma qarori ahamiyatga egadir. Shu asosida Parlament huzurida nodavlat notijorat tashkilotlari va fuqarolik jamiyatining boshqa institutlarini qо‘llab-quvvatlash Jamoat fondining tashkil etilishi hamda Fond mablag‘larini boshqarish bо‘yicha Parlament komissiyasi tuzilishi о‘ziga xos ijobiy hodisa bо‘ldi deyishimiz mumkin.
Uchinchidan, ommaviy axborot vositalarining ochiqligi va samarali faoliyatining tobora kengayib borishi
Fuqarolik jamiyatini rivojlantirish jarayonida aholining axborotga bо‘lgan ehtiyojini tо‘liq qondirish, shu bilan birga, ularning ongi, dunyoqarashi va siyosiy madaniyatini yuksaltirish, fuqarolik pozitsiyasini mustahkamlashda ommaviy axborot vositalari muhim о‘ringa ega bо‘ladi.
Mazkur sohada о‘ndan ortiq qonun hujjatlari qabul qilingan bо‘lib, bugungi kunga kelib, mamlakatda 1 ming 500 dan ziyod ommaviy axborot vositasi faoliyat kо‘rsatmoqda. Ular mulk shakli, yо‘nalishi, axborot uzatish vositalariga kо‘ra turlichadir. Lekin, shunga qaramay О‘zbekistonda kо‘pchilik OAVlari haligacha rasmiyatchilik asosida faoliyat yurgizadi. Ularda mustaqil fikrning difitsiti va noplyuralistik kayfiyat ustuvorlik qilib kelmoqda.