Ammo, bu orada atrofda toʻplanib qolgan boshqa haydovchilar, fuqarolar sudyadan mashinasini olib qoʻyish va jarima saqlash joyiga olib qoʻyishni talab qila boshlashdi

17-kazus:

Transport vositasini boshqarib kelayotgan Mirobod tumani jinoyat ishlari boʻyicha sudi sudyasi Avezov belgilangan harakat tezligini oshirib yuborganligi uchun DYHXX organi xodimi – inspektor Mardiyev tomonidan toʻxtatildi. DYHXX organi xodimi harakat tezligini oshirib yuborganligi uchun unga nisbatan belgilangan tartibda maʼmuriy bayonnoma rasmiylashtirmoqchi boʻlganida, u oʻzining sudya ekanligini aytib, sudyalik guvohnomasini koʻrsatdi. Shundan soʻng, inspektor Mardiyev, sudya lavozimi unga tezlikni oshirishga imkon yaratmasligini aytib, mashinadan tushishni talab qildi. Sudya sud majlisiga shoshib ketayotganligi uchun tezlikni biroz oshirganini tan olib, bir safar ogohlantirish bilan cheklanishni iltimos qildi.

Ammo, bu orada atrofda toʻplanib qolgan boshqa haydovchilar, fuqarolar sudyadan mashinasini olib qoʻyish va jarima saqlash joyiga olib qoʻyishni talab qila boshlashdi. Sudya, oʻz daxlsizligidan foydalanib, mashinasiga oʻtirib, ketib qoldi, orqasidan bir nechta fuqaro tosh otib, uning mashinasi orqa oynasini sindirishdi.

Mazkur holatni Oʻzbekiston Respublikasi qonunchiligi asosida tahlil qiling va huquqiy baho bering.