Amir Temur

Amir Temur
Amir Temur bobomiz buyuk davlatga asos solgan. Ona yurtimiz Turkiston diyorini butun dunyoga tanitgan. «Kuch — adolatda» so'zlari uning uzugida hamisha yarqirab turgan.

Bobomiz millat, Vatan sharafini hamma narsadan baland qo'ygan. «Olamni adl va ehson bilan obod etibmen», — degan. U bunyodkor, ilm-fan homiysi va kuchli sarkarda bo'lgan. Zukko va donishmand Amir Temur betakror siymodir.


G'azal mulkining sultoni

Bobomiz Alisher Navoiy buyuk shoir, olim va davlat arbobi bo'lgan. Besh-olti yoshidayoq ko'p she'rlarni yod olgan.

Bobomiz bizga juda ko'p asarlar yozib qoldirgan. Bu ulug' zot shoirlarning sultoni bo'lgan.



Abu Ali ibn Sino

Ibn Sino dunyoga mashhur hakim va olimdir. Asli ismi Husayn bo'lgan. Yoshligidan ilmga, tabobatga juda qiziqqan. Bobomiz o'z kitoblari bilan dunyo tibbiyot ilmiga asos solgan.

Abu Ali ibn Sino davolayotgan bemorlariga shunday degan: «Biz uch tarafmiz — men, sen va kasallik. Agar sen men tarafga o'tib olsang, u yengiladi. Agar u tomonga o'tib olsang, ikkalangni yengishim qiyin».


Buyuk munajjim

Mirzo Ulug'bek ham podshoh, ham olim edi. U kishi Amir Temurning nevarasi bo'lgan.

Mirzo Ulug'bek o'n besh yoshidan boshlab podshohlik qilgan. Qirq yillik podshohlik davrida ko'p savob ishlarni amalga oshirgan. Samarqandda rasadxona qurdirgan. Rasadxonada osmon, oy, yulduzlar kuzatilgan. Shuning uchun u kishini buyuk munajjim, olim va shoh deyishadi.


Shoh va shoir

Bobur Mirzo Andijonda tug'ilgan. Uzoq yillar Hindistonda shohlik qilgan. Bizga ko'p kitoblar yozib qoldirgan. Shuning uchun ham uni shoh va shoir deyishadi.

«Boburnoma» kitobida bobomiz o'z boshidan o'tkazgan voqealarni yozgan. Shuningdek, unda tog'lar, gullar, qushlar, hayvonlar haqida ham o'z fikrlarini yozib qoldirgan.