Amir Temur shaxsini idrok etish-tarixni idrok etish demakdir. Amir Temurni anglash-o‘zligimizni anglash demakdir

Mavzuning dolzarbligi. Amir Temur va temuriylar davri diyorimiz tarixida eng gullab yashnagan davlatchilik davrlaridan biridir.Tariximizning eng faxrlanadigan,taraqqiyotda o’zini jahonga bor bo’yi bilan ko’rsatgan davr ham shubhasiz ushbu davrdir. Temur va temuriylar davri bo’yicha manbalar shunchalik ko’pki, ulardagi malumotlar ko’pligidan tarixchi tadqiqotchilar xolis tarixni yoritish va o’rganishda judayam ko’p qiyinchilikga duch kelishadi.Darsliklardagi malumotlar bir birini inkor etganini ko’p guvohi bo’lamiz.
Temur va temuriylar davlati boshqaruv atributlarini alohida-alohida mavzularga bo’lib tadqiqot sifatida o’rganilsa biz tarixchilarning xolis tarixni yaratish maqsadimizga sezilarli darajada yaqin kelinadi.Davlatning eng muhim asoslaridan birini harbiy kuch qudrat tashkil etgani holda, ushbu kurs ishi mavzusi ham temuriylar davlatchiligi tarixini o’rganishda o’ta muhim hisoblanadi.
Kurs ishining maqsad va vazifalari.Temur va temuriylar davlatida mavjud bo’lgan harbiy unvon,mansab,kasb,vazifa,martaba va faxriy nomlar va ularga tayinlash tartibi,harbiylarning jamiyatdagi mavqeyi haqida malumot berish orqali mavzuni to’la ochib berish.
Kurs ishining nazariy metodologik asoslari. O’rganilayotgan mavzuni to’g’ri yoritishda ilmiylik,tarixiylik,xolislik,qiyosiy va tanqidiy o’rganish tizimlilik tamoyillariga amal qilindi.Kurs ishining metodologik asosini ishlab chiqishda “Temur tuzuklari”, birlamchi manbalar va ilmiy tadqiqot asarlari shuningdek monografiyalar muhim rol o’ynaydi.
Kurs ishi mavzusini o’rganilish darajasi. Tariximizning ushbu muhim davrida harbiy sohani o’rganish o’ta muhim va chetda qoldirilishi mumkin bo’lmagan davr hisoblanadi. Ushbu mavzu atrofida yetuk olim va mutaxasislar tadqiqot ishlarini olib borishgan. Xususan Bo’riboy Ahmedov, Shodmon Vohidov, Shohista O’ljayeva, Xilda Xukxem, Lyangle,Anatoliy Sagdullayev,Turg’un Fayziyev, Azamat Ziyo, Bohodir Eshov, Anvar Boqiyev va Zubayda Yo’ldoshevalar atroflicha o’rgangan va tahlil qilgan.
Kurs ishining ilmiy yangiligi. Ilk bor ushbu mavzu alohida tadqiqot mavzusi sifatida o’rganildi. Manbalardagi unvonlar atroflicha tadqiq etilib bir yerga jamlandi.