Amaliyotchi: Mamatov Sh

Hisobot
Men Mamatov Shoxruh malakaviy amaliyot o’tash maqsadida viloyatning Bulung’ur tumanida joylashgan 22-IDUMga yo’llanma oldim. Amaliyotning birinchi kunida malakaviy amaliyot bo’yicha yig’ilish bo’lib o’tdi, maktab direktori Artiqova Z so’zga chiqib amaliyotchi o’qituvchi sifatida nimalarga e’tibor berishimiz kerak ekanligi haqida tushuncha berildi. Men amaliyotning ikkinchi kunida borishim kerak bo’lgan obyektga bordim va director Artiqova Z bilan uchrashdim, va meni ingliz tili fan o’qituvchisi Fazilova Nargizaga biriktirdi shogird sifatida. Men malakaviy amaliyot davrida faqatgina ingliz tili fani darslariga kirganim yo’q, balki boshqa fan o’qituvchilarining darslariga ham kirdim va ularni kuzatdim, ularning dars berish jarayoni, o’quvchilarning o’ziga nisbatan torta olishi, darsni qiziqarli tashkil etishi kabi jihatlarni kuzatdim va o’rgandim. Shuningdek dasturda belgilanilganidek, sinf rahbarining yillik ish rejasi, ingliz tili o’qituvchisining yillik ish rejasi, ma’naviy-ma’rifiy ishlar bo’yicha director o’rinbosarining ish rejasi, ota-onalar bilan ishlash rejasi, yoshlar yetakchisining ish hujjatlari bilan tanishdim. Shular bilan bir qatorda, jurnal yuritish, baholash mezonlari, didaktik materiallar tayyorlash kabi dars jarayonida kuzatiladigan va kerakli hujjatlarni ham o’rgandim. Maktab tomonidan va sinf rahbari tomonidan o’tkazilgan bir qator tadbirlarga qatnashdim. Amaliyotning 19-kunida 6-sinflarga “Wild Animals” mavzusida dars o’tdim. Bu dars davomida men kuzatishlarim jarayonida o’rganganlarimni amaliyotda qo’lladim. Amaliyot yakunida men biriktirilgan o’qituvchimdan kerakli hujjatlarning nusxasini oldim. Amaliyot davrida o’qituvchi uchun kerak bo’ladigan ba’zi bilim va ko’nikmalarga ega bo’ldim

Amaliyotchi: Mamatov Sh

Amaliyot rahbari: Fazilova Z
Maktab direktori: Artiqova Z