Amaliyot joyi "Golden tours and travels" mas`uliyati cheklangan jamiyati

Kirish.
Respublikamizda amalga oshirilayotgan iqtisodiy islohotlarning samarali amalga oshirilishi uchun boshqarishning turli sohalarida o`zgarishlar bo`lishi o`ta muhim.Bitiruv oldi amaliyotining bosh maqsadi oliy ta’lim jarayonida va amaliyot yaxlitligini ta`minlash, talabalarning bitiruv oldi amaliyotlarini ishlab chiqarish korxonalarida o`tkazilishini samarali tashkil etish natijasida Respublikamiz hududlarini ijtimoiy-iqtisodiy rivojlantirish uchun zamon talablariga javob beradigan yuqori malakali kadrlarni zaruriy ixtisosliklari bo`yicha iqtisodiyot sohalari va tarmoqlari ehtiyojidan kelib chiqqan holda tayyorlash.
Amaliyot joyi – “Golden tours and travels” mas`uliyati cheklangan jamiyati.
Amaliyot obyekti “Golden tours and travels” Mchj 2019-yil 7-yanvar kuni Termiz shahar davlat xizmatlari markazi tomonidan ro`yxatdan o`tgan. Faoliyat sohasi litsenziya talab qilinadigan faoliyat turi bo`lganligi sababli O`zbekiston Respublikasi turizmni rivojlantirish davlat qo`mitasi tomonidan maxsus Litsenziya va Muvofiqlik sersifikatlariga ega. Hozirgi kunda Mchj O`zbekistonga 600 dan ortiq sayyohlarni sayohatini tashkil etgan. Bugungi kunda MChjda 4 ta ish o`rni mavjud.
Amaliyotni o`tash va bajariladigan ishlar 13 tadan iborat bo`lib bular quyidagilardan iborat:
Amaliyot obyekti bilan tanishish va zaruriy hujjatlarni rasmiylashtirish, Amaliyot obyekti faoliyatini tartibga soluvchi me’yoriy hujjatlar bilan tanishib chiqish, Amaliyot obyektida mehnatni tashkil etish va unga haq to’lash shakllari bilan tanishish, Amaliyot obyektining ixtisoslashuvi va asosiy faoliyat yo’nalishlari bilan tanishish, Amaliyot obyektining ishlab chiqarish fondlari bilan tanishish, Amaliyot obyektida tuziladigan rejalar va ularning mazmunini o’rganish, Amaliyot obyektidagi hisob tizimi bilan tanishish, Amaliyot obyektining boshqa hamkor tashkilotlar bilan bo’ladigan munosabatlari tahlil qilish, Amaliyot obyektining moliya va soliq organlari bilan bo’ladigan munosabatlarini o’rganish, Amaliyot obyektining banklar va boshqa kredit tashkilotlari bilan aloqalarini o’rganib chiqish, Amaliyot obyektining asosiy iqtisodiy ko’rsatkichlari va moliyaviy natijalari bilan tanishish, Amaliyot obyektida tuziladigan hisobot shakllari va ularning tuzilishi bilan tanishish, Amaliyot natijalari bo’yicha xulosalarni shakllantirish va hisobotni rasmiylashtirish.