Amaliy mashg’ulotini bajarish bo’yicha variantlar

a sonining 3-darajasini hisoblab, b o‘zgaruvchiga uzatadigan PowerA3(a,b) nomli void turidagi funksiya tasvirlansin (a-kiruvchi, b-chiquvchi parametrlar bo‘lib, ular haqiqiy turga tegishli). Bu funksiya yordamida berilgan 5 ta sonning 3-darajalari hisoblansin.

a sonining 2-, 3-, 4-darajalarini hisoblab, mos ravishda b,c,d parametrlarga uzatadigan PowerA234(a,b,c,d) nomli void turidagi funksiya tasvirlansin (a-kiruvchi, b,c,d lar chiquvchi parametrlar, barcha parametrlar haqiqiy turga tegishli). Bu funksiya yordamida berilgan 5 ta sonning har biri uchun 2-, 3-, 4-darajalar hisoblansin.

	Tomoni a ga teng bo‘lgan teng tomonli uchburchakning perimetri va yuzasini hisoblovchi TrianglePS(a,p,s) nomli void turidagi funksiya tasvirlansin(a-kiruvchi, p va s chiquvchi parametrlar, barcha parametrlar haqiqiy turga tegishli). Bu funksiyadan foydalanib, berilgan qiymatlarda 3 ta teng tomonli uchburchaklarning perimetrlari va yuzalari hisoblansin. Tomonlari koordinata o‘qlariga parallel bo‘lgan hamda qarama-qarshi uchlarining (x1,y1), (x2,y2) koordinatalari berilgan to‘g‘ri to‘rtburchakning p perimetri va s yuzasini hisoblaydigan RectPS(x1,y1,x2,y2,p,s) nomli void turidagi funksiya tasvirlansin. Bu funksiyadan foydalanib, qarama-qarshi uchlarining koordinatalari ma`lum, tomonlari koordinata o‘qlariga parallel bo`lgan 3 ta to‘g‘ri to‘rtburchakning perimetrlari va yuzalari hisoblansin.
	Butun musbat k sonidagi raqamlar miqdorini va yig‘indisini hisoblaydigan Digitcountsum(k,n,s) nomli void turidagi funksiya tasvirlansin (k-kiruvchi, n va s – chiquvchi parametrlar bo’lib, ular butun turga tegishli). Bu funksiyadan foydalanib, berilgan 5 ta butun musbat sonning har biri uchun raqamlari miqdori va raqamlar yig‘indisi hisoblansin. Berilgan k butun musbat sonining raqamlarini teskari tartibda joylashtiruvchi (123 -> 321) InvertDigits(k) nomli void turidagi funksiya tasvirlansin(k butun turga tegishli parametr bo’lib, bir vaqtda kiruvchi va chiquvchi hisoblanadi). Bu funksiyadan foydalanib, berilgan 5 ta butun musbat sonlarning raqamlari teskari tartibda joylashtirilsin.
	Berilgan butun musbat k sonining chap tomonidan “d” raqamini joylashtiradigan ADDLeftDigit(d,k) nomli void turidagi funksiya tasvirlansin(d- kiruvchi parametr, k- bir vaqtda kiruvchi va chiquvchi parametrlar bo’lib, ular butun turga tegishli). Bu funksiyadan foydalanib, berilgan k musbat sonining oldidan d1 va d2 raqamlari ketma-ket joylashtirilsin va har bir jarayon natijasi chop etilsin. Berilgan a, b, c o‘zgaruvchilardagi qiymatlarni quyidagicha siljituvchi a→b, b→c, c→a o‘ng siljish Shift Right3(a,b,c) nomli void turidagi funksiya tasvirlansin(a, b, c lar haqiqiy turga tegishli parametrlar bo‘lib, bir vaqtning o‘zida kiruvchi va chiquvchi hisoblanadi). Bu funksiyadan foydalanib, berilgan 2 ta (a1, b1, c1) va (a2, b2, c2) sonlar ketma - ketligining har biri uchun o‘ng siljish amali bajarilsin.