Amaliy mashg’ulot 4-Mavzu: Yaponiya, Shimoliy va Janubiy Koreyadagi ta’lim tizimi va undagi muammolar

AMALIY MASHG’ULOT


4-Mavzu:Yaponiya, Shimoliy va Janubiy Koreyadagi ta’lim tizimi va undagi muammolar
1-ilova
Reja:
1. Yaponiya ta’lim tizimining o’ziga xosliklari.
2. Janubiy Koreyada boshlang’ich, o’rta va oliy ta’lim tizimi
O’quv mashg’ulotining maqsadi: Talabalarda Yaponiya ta’lim tizimining o’ziga xosliklari, Janubiy Koreyada boshlang’ich, o’rta va oliy ta’lim tizimi haqidagi tasavvurlarni shakllantirish.
O’quv faoliyatining natijasi:
1. Yaponiya ta’lim tizimining o’ziga xosliklari haqidagi bilimlarni kengaytirdilar.
2. Janubiy Koreya boshlang’ich, o’rta va oliy ta’lim tizimi haqida qo’shimcha ma’lumotlarni bilib oladilar.
2-ilova
Yaponiya ta’lim tizimining o’ziga xosliklari.

Iqtisodiy qudrati jihatidan Yaponiya AQShdan keyin 2-o’rinda turadi. Jahonning ko’zga ko’ringan ruxshunoslari va iqtisodchilari YAponiya rivojlanishidagi bu ulkan parvozni malakatda ta’lim tizimlari taraqqiyotiga berilgan yuqori darajadagi e’tibor samarasi, deya qayd etadilar. Darhaqiqat, bu o’lkada ta’lim tizimlarini bosqichma-bosqich takomillashtirib borilishiga xukumat, xususiy kompaniyalar, jamoat tashkilotlari, ota-onalar qanchalik omilkorlik bilan yondashayotganliklarini hisobga olsak, jahon ilmiy tadqiqotchilarining yuqoridagi xulosalari asosli ekanligining guvohi bo’lamiz.

Hozirgi zamon yapon ta’lim tizimlarining tarkibi quyidagicha:

• 
  bolalar bog’chalari;
  
• 
  boshlang’ich maktab;
  
• 
  kichik o’rta maktab;
  
• 
  yuqori o’rta maktab;
  
• 
  oliy ta’lim tizimlariga kiruvchi o’quv yurtlari.
  

Bolalar bog’chasiga 3-5 yoshli bolalar qabul qilinadi. Yaponiyada bog’chalarning 59,9 foizi xususiydir. 40,8 foizi munitsipal (tuman) kengashlari tasarrufida, 0,3 foizi davlatnikidir.
Majburiy ta’limga 6 yoshdan 15 yoshgacha bo’lgan bolalar jalb qilinadi. Bunda 6 yillik boshlang’ich maktab va 3 yillik kichik o’rta maktab kursini o’qiydilar. 9 yillik bu ta’lim majburiy bo’lib, o’qish va darsliklar tekindir.
Yaponiyada yuqori bosqich o’rta maktabning kechki, sirtqi, kunduzgi bo’limlari mavjud.