Amaliy ish tish frezalash stanoklarini sozlash

Nazorat savolari

1. 
   Struktura setkalarni qurish tartibini izohlang.
   
2. 
   Aylanishlar chastotasi (aylanishlar soni) grafigini qurish tartibini izohlang.
   
3. 
   Almashma tishli g’ildirakli mavjud yuritmalar (almashma tishli g’ildiraklar gitarasi) aylanishlar chastotasi (aylanishlar soni) grafigini qurish tartibini izohlang.
   
4. 
   Yig’ma strukturali yuritmalar aylanishlar chastotasi (aylanishlar soni) grafigini qurish tartibini izohlang.
   
5. 
   Perebor mexanizmili yuritma aylanishlar chastotasi (aylanishlar soni) grafigini qurish tartibini izohlang.
   
6. 
   Aylanishlar qatorni qurishda qanday qonuniyatlar mavjud?
   
7. 
   Aylanishlar chastotasi grafigidan tezliklar qutisi haqida qanday ma’lumotlar olish mumkin?
   

3 - AMALIY MASHG’ULOT


ROSTLANADIGAN ELEKTRODVIGATELLI BOSH HARAKAT YURITMASINING KINEMATIK HISOBI


Nazariy qism


Chastotasi elektrodvigateldan rostlanadigan yuritmani hisoblashning o‘ziga xosligi

Chastotasi elektrodvigateldan rostlanadigan yuritmani hisoblashning o‘ziga xosligi shundan iboratki, shpindelning aylanishlar chastotasini berilgan rostlash diapazonini talab qilingan parametrlar bilan ta’minlaydigan mexanik tezliklar qutisi va rostlanadiagan elektrodvigatelni tanlash kerak. Odatda, dvigatellar (doimiy tok dvigatellari ham) va rotor valini aylanish chastotasini chastotali rostlaydigan asinxron dvigatellari ham doimiy quvvatda nisbatan uncha katta bo‘lmagan rostlash diapazoniga D_dv =(3÷6) ega.

Shuning uchun bosh harakat yuritmalarida mexanik tezliklar qutisidan foydaliniladi. Ko‘p hollarda bunday yuritmalarda ikki-to‘rt pog’onali Z_tq=(2÷4) rostlash qutilari quyiladi.
Tezliklar qutisining chiqish valida (stanok shpindeli) rostlash diapazoni quyidagiga teng:


D_z =D_tq*D_dv, (1)

bu erda D_tq – tezliklar qutisining mexanik qismini rostlash diapazoni;

D_dv – dvigatelning quvvati doimiy bo‘lgan rostlash diapazoni.
Elektrodvigatelning to‘liq quvvatini stanok shpindeliga uzatishni ta’minlash uchun rotlashning butun diapozonida


D_tq  D_dv (2)

qabul qilinadi.

42,a-rasmda bu holat uchun aylanishlar chastotasi grafigining varianti ko‘rsatilgan. Grafikdan ko‘rish mumkinki, shpindelda (val III) n₁ dan n₂ gacha chastotada to‘liq quvvat uzatiladi. Agar shpindelning bunday rostlash diapazoni bosh harakat yuritmasiga quyilgan talablarni qoniqtirmasa, uni uzatish nisbati i₂ ni o‘zgartirish yo‘li bilan kattalashtirilish mumkin.
42,b–rasmda i₂ uzatish nisbati i₂' kattalikkacha kichraytirilgan (0,25 ≤ i ≤ 2 sharti bajarilishi kerak). U holda shpindeldagi to‘liq quvvat n_p÷n₂ diapazonda uzatilishi mumkin. Lekin diapazonni kengaytirish, bu holda yuritma diapazonining o‘rtasida, ba’zi aylanishlar chastotasida (n₁÷n_j oraliqdagi n_m chastota) quvvatni «proval» iga (kamayishiga) olib keladi.
Bunday «proval» kerak emas, lekin u yuritma quvvatining 10÷25% dan oshmasa, odatda, ruxsat etiladi.
n₁÷n_p diapazonda (42,b-rasm) yuritma dvigateldagi doimiy burovchi momentda va, natijada, o‘zgaruvchan quvvatda ishlaydi. Shpindelning aylanishlar chastotasi diapazoni boshida yuritma quvvatining kamayishi shu bilan ta’minlanadiki, bu chastotalar (diapazon o‘rtasidagi chastotalarga qaraganda) kam hollarda foydalaniladi. Shuning uchun n₁ dan n_p gacha chastota diapazonida ishlashida dvigatel quvvatidan to‘liq foydalanilmaganligi sababli mahsuldorlik past bo‘ladi.