Amaliy geografiya

Ўқув фанининг мақсади ва вазифалари

Фанни ўқитишдан мақсад – талабаларга географиянинг бевосита амалиёт билан боғлиқ сохалари ҳақида билим ва кўникмалар беришдан иборат.

Фаннинг вазифаси талабаларга - амалий географиянинг асосий йўналишлари ва тадқиқот услубларини, аҳоли ва хўжалик тузилишини тўғри ташкил этиш мақсадларида олиб бориладиган ландшафт тадқиқотарининг илмий асосларини, инженер ва географик шаҳарсозлик йўналишларида амалий географиянинг усул ва услубларини қўллаш йўллари ҳақида тегишли билимларни, дунёвий ва минтақавий эколого-географик муаммоларни ечиш йўллари кабиларни ўргатишдан иборат.


Фан бўйича талабаларнинг билимига, малака ва кўникмасига
қўйиладиган талаблар

Амалий география фанини ўзлаштириш жараёнида амалга ошириладиган масалалар доирасида талабалар:

-Табиий ва ижтимоий-иқтисодий ходисаларни илмийлик ва мантиқийлик асосида ўрганишни билиши керак;
-мустақил ва замонавий фикрлаш, олган билимларини амалиётга тадбиқ қилишга ва илмий тадқиқотларни ташкил этиш ҳамда бажаришга доир кўникмаларга эга бўлиши керак;
-геосистемалар ривожланишининг башорати ва уларни бошқариш, турли геосистемалар бўйича дала тадқиқот ишлари олиб бориш методлари, ҳудудлар табиий ресурсларини баҳолаш, ҳудудий мажмуалар шаклланиш ва ривожланиш қонуниятларини тадқиқ қилишда илмий тадқиқот усулларини қўллай билиш ва хулосалар чиқариш малакаларига эга бўлиш керак ва б.


Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги
“Амалий география” фани асосий умумкасбий фани ҳисобланиб, 7 семестрда ўқитилади. Дастурни амалга ошириш учун ўқув режасида режалаштирилган математик ва табиий-илмий (олий математика, информатика ва ахборот технологиялар, физика, кимё, экология асослари, геология ва геоморфология асослари), умумкасбий (гидрология асослари, умумий Ер билими, Ўзбекистон географияси, ландшафтшунослик, геоэкология, саноат ва қишлоқ ҳўжалиги географияси, ҳудудий мажмуаларнинг назарий асослари) фанларидан етарли билим ва кўникмаларга эга бўлишлик талаб этилади.