Amaliy fanlar tavsifi va predmetlar integratsiyasi

Quyidagilarni bilishi kerak: 

O‘zbekiston Respublikasi Qurolli Kuchlari Ichki xizmat nizomi, Intizom, 

Garnizon  va  qorovul  xizmati  va  Saf  nizomlarining  asosiy  mazmuni  va 

talablari.  

Quyidagilarni bajara olishi shart: 

harbiy  xizmatchilarni  maishiy,  o‘quv,  xizmat  va  kundalik  faoliyatini 

tashkillashtirish  davomida  Umumharbiy  nizomlari  talablarini  to‘g‘ri  qo‘llash 

va aniq bajarish.  

 

USLUBIY KO‘RSATMALAR 

O‘zbekiston  Respublikasi  Qurolli  Kuchlari  Umumharbiy  nizomlari 

“Chaqiruvga  qadar  boshlang‘ich  tayyorgarlik”  fanining  asosiy  qismlaridan 

biri  bo‘lib,  nazariy  mashg‘ulotlar  asosida  o‘tkaziladi.  Mashg‘ulot  davomida 

o‘quvchilar  o‘quv  adabiyotlari,  prezentatsiyali  materiallar  bilan  to‘lik 

ta’minlangan bo‘lishi kerak. 

Mashg‘ulotni  samarali  o‘tishi  uchun  mavzuga  doir  materialarni  o‘zida 

aks  etgan  xujjatli  va  badiiy  videoroliklardan  keng  foydalanish,  oldindan 

uyga  vazifa  tariqasida  misol  va  nizom  moddalarini  belgilangan  tarzda 

takrorlashni tashkillashtirish maqsadga muvofiq hisoblanadi. 

Olingan  bilimlarni  mustahkashlash  uchun,  darsdan  tashqari  vaqtlarda 

harbiy  qismlarga  tashrif  buyurish,  harbiy  qism  va  harbiy  ta’lim 

muassasalarida  faoliyat  olib  borayotgan  ushbu  soha  vakillari  bilan 

uchrashuvlarni tashkillashtirish kerak.