Амалий машғулот

 
ЭПИДЕМИОЛОГИЯСИ. 
Қизамиқ эпидемиологик тарқалувчи ўткир инфекцион касаллик эди. Шунинг 
учун хам у дунё бўйича кенг тарқалган эди. Қизамиқ билан фақат инсонлар 
оғрийди. 
Инфекция манбаи бўлиб инсон хисобланади. Қизамиқда вирус ташувчилик 
бўлмайди. Бемор бошланғич катарал даврда ва тошмали даврнинг дастлабки 
кунлари атрофдагилар учун жуда хавфли бўлади: тошмали даврнинг учунчи 
кунидан бошлаб юқувчанликнинг даражаси пасайиб, тўртинчи кундан юқтириши 
хавфи тугайди. Касаллик асоратли ўтганида (М: зотилжам) юқтирувчанлик 
узоқроқ, ўн кунгача давом этади. 

---

8 
Қизамиқда умумий юқтирувчанлик даври 8–10 кунга тўғри келади. 
Митегирланган қизамиқ билан оғриганларнинг юқтирувчанлиги нисбатан паст 
бўлади. 
Инфекциянинг юқиш йўли қизамиқда хаво–томчи йўли билан бўлади. Вирус 
бемор организмидан юқори нафас йўлларининг сектерлари билан ажралади. 
Йўтал ва акса уриш касалликни янада кўпроқ тарқалишига олиб келади. Юқори 
нафас йўлларининг енгил секретлари билан вирус ёпиқ хоналарда учиб юради ва 
катта масофаларга коридорлар, этажлар, тирқишлар орқали тарқалади. 
Қизамиқ берилувчанлик ёки мойиллик жуда юқори. Юқувчанлик индекси 96 
–100% тенг. Қизамиқ билан илгари оғримаганлар ва эмланмаганлар беморлар 
билан мулоқотда бўлсалар қарийб хаммалари ёшларидан қатъий назар касалликка 
чалинадилар. (Масалан: Панум 1846 йили ёзиб қолдирган Фирер оролларидаги 
эпидемия). Ўта юқувчанлиги ва юқори мойиллик хисобига қизамиқ билан асосан 
инсонлар ёш болалигида оғриб ўтганлар. Болалигида оғримаганлар, катта ёшда 
касалликка чалинганлар. 
Қизамиқ билан асосан бир яшардан беш ёшгача касалланадилар. 5-9 ёшгача 
касалланиш анча камаяди, 10 ёшдан катталар камдан – кам холларда оғрийдилар. 
Бир ёшгача бўлган болалар қизамиқ билан камдан кам холларда оғрийдилар. Уч 
ойликкача бўлган болалар қизамиқ билан мутлоқ оғримайдилар (онасидан ўтган 
туғма транспланцентар иммунитет хисобига). 3-6 ойгача бўлган болалар қизамиқ 
билан нисбатан оғримайдилар. Олти ойдан катта ёшдаги болалар айрим холларда 
касалликка чалиниши мумкин. 
Қизамиқ эпидемияларнинг даврийлиги хам касаллик хар 2-4 йилда кўпайиб 
туради.