Амалий машғулот

Патогенез: 
Қизилча вируслари организмга юқори нафас йўлларини шиллиқ қаватлари 
орқали киради, Вируслар қонга ўтадилар, бунга жавобан гематологик ўзгаришлар 
ва лимфоид тўқималарни шикастланиши кузатилади. Вирусни эмбрионал 
тўқималарига мойиллиги борлиги эхтимоли бор. Бу туғма нуқсонлар билан 
тасдиқланади (катаракта, микроцефалия, юрак туғма нуқсонлари ва бошқа.). 
Клиникаси: 
Яширин давр 15 – 24 кун давом этади. У ўртача 18 –3 куни ташкил қилади. 
Тошмалардан 1 хафта бурун вирусемия келиб чиқади. 
Қизилчани жуда эртаги типик, патогномоник симптоми: бу бўйиннинг орқа, 
энса, қулоқ орти ва бошқа лимфа тугунларининг катталашиши хисобланади. Бу 
белги тошмалардан 1- 3 кун аввал пайдо бўлади ва тошма йўқолгач бир неча 
кундан сўнг йўқолади. Шишган лимфа тугунлари йирик нўхот ёки ловиядек 
бўлиб қаттиқлашади ва оғриқчан бўлади. Айрим холларда лимфа тугунлари кўзга 
ташланарли даражасида шишган бўлади. 
Айрим холларда тошмадан 1 – 2 сутка аввал тумов, бир оз йўтал, кўз 
коньюктиваси гиперемияси, бош оғриғи, холсизлик кузатилади. 
Тошмалар юз, бўйин сохасидан бошланиб, бир неча соат ичида бутун танага 
тарқалади. Тошмалар кўпроқ қўл–оёқларнинг ёзилувчан сатхларда, елка, бел, 
думба сохасида бўлади; қорин, кўкрак ва айниқса юз сохаларида тошмалар кам 
бўлади. Тошмалар оч қизил юмалоқ ёки овал шаклдаги доғлар бўлиб, айрим 
холларда тери сатхидан бир оз кўтарилиши мумкин. Уларнинг хажми ичак 
бошидай ёки ундан катта бўлиши мумкин. Айрим беморларда майда, 
айримларида катта доғлар кўп бўлади. Тошмалар бир–бирига қўшилиш 
хусусиятига эга. Тошмалар 2 – 3 кун кззга ташланиб, пигментациясиз ёки тўла 
йўқолиб кетади. 
Айрим беморларда экзантемалардан ташқари танглай шиллиқ қаватларида 
доғли энантемалар бўлиши мумкин. Бельский – Филатов – Коплик доғлари хеч 
қачон бўлмайди. 
Тошмалар хароратнинг 38
0
С га кўтарилиши билан ўтади. Аммо кўпинча 
харорат кўтарилмайди. Продромал даврда пайдо бўлган катарал белгилар, тошма 
пайтда кучаймайди. Умумий холат одатда бузилмайди. 
Катталарда қизилча оғирроқ ўтиб, умумий реакция, нафас йўллари катари, 
коньюнктивит ва мушак оғриғи кучли бўлади. Тошмалар мўлроқ бўлиб, бир – 
бири билан қўшилиб кетиши мумкин. 

---

16 
Инкубацион даврда периферик қонда лейкоцитоз ва нейтрофилёз, тошма 
пайтида енгил лейкопения, лимфоцитоз, плазматик хужайраларнинг 10 – 30% га 
кўпайиши кузатилади. 
Иннапарант турида серологик реакция антителаларни 4 баравар ортиши 
кузатилади.