Амалий машғулот №9 Мавзу: Ичак инфекциялари. Эшерихиоз, сальмонеллалар, шигеллёзлар ва

Лаборатория ташҳиси. Ҳал қилувчи ташҳис касаллик қўзғатувчисини бемордан ёки ифлосланган овқат маҳсулотларидан ажратиб олингандан сўнг қўйилади. Бактериологик текшириш учун бемор нажаси, қусуғи, меъда чайинди суви, қон, пешоб, мурданинг аъзолари, қолган овқатлар махсус муҳитларга экилади. Ажратиб олинган соф ундирмаларнинг культурал ва биологик хусусиятлари ва уларнинг серологик гуруҳлари ҳамда серологик вариантлари аниқланади. Бундан ташқари, касалликка сабаб бўлган культура ва овқат қолдиғини ҳайвонларга юқтириб биологик синама қўйилади. Юқорида қайд қилинган текширув манбалари (қон, сийдик, ўт суюқлиги, меъда-ичак ажралмаси, нажас ва бошқалар)дан нажасни текшириш энг ишончли далиллардан ҳисобланади. Касалликнинг гастроинтестинал хилида бактериологик тадқиқотлар биринчи кунданоқ олиб борилиши керак. Чунки хасталикнинг этиологик омилини аниқлаш биринчи ҳафтада юқори, иккинчи ва учунчи ҳафтадаларда 2–7 марта камайиб кетади.
Касаллик манбаини аниқлаш учун реконвалесцентларнинг қон зардоби ҳамда қўзғатувчининг асосий турларидан тайёрланган диагностикум билан Видаль реакцияси қўйилади.
Давоси ва профилактикаси. Беморнинг меъдаси содали ёки нимранг марганцовка эритмаси билан чайилади. Заҳарланишни камайтириш мақсадида глюкоза, физиологик эритма, “Ригидрон” қуйилади. Антибиотик (левомицетин, тетрациклин) ва сульфаниламид препаратлар берилади. Махсус терапияда поливалент бактериофаг қўллаш мумкин.
Ветеринария ва санитария-эпидемиология назорати ходимлари ҳайвонларнинг соғлиғини, гўшт ва балиқ комбинатларида гўштларни лаборатория текширувидан ўтказилишини қатъий назорат қилишлари лозим. Озиқ-овқат, ошхона хиз-матчилари ва тиббиёт ходимлари орасида бактерия ташувчиларни аниқлаш, озиқ-овқат муассасаси ва ошхоналарда санитария-гигиена қоидаларига амал қилиниши лозим. Озиқ-овқат ва гўшт маҳсулотлари тозалигини ПЗР усули ёрдамида текшириш лозим, чунки бу усул бошқа усулларга нисбатан аниқ ва тезкор ҳисобланади.
Аҳоли ўртасида санитария маорифи ишлари олиб борилади. Бактерия ташиб юрувчилар аниқланган ҳолда, улар сальмонеллёз фаглари билан даволанади.