Амалиётнинг вазифаси ва мақсади

КИРИШ
Педагогик амалиёт малакали мутахассис тайёрлашнинг асосий таркибий қисми ҳисобланади. Педагогик амалиётни талаба шартнома асосида касб-ҳунар коллежлари, академик лицей ва УЎТМларида ўтказади.
Ўқув режасига мувофиқ педагогик амалиёт 4 курс бошида ўтказилиб, давомийлиги 10 ҳафта.


АМАЛИЁТНИНГ ВАЗИФАСИ ВА МАҚСАДИ
Амалиёт давомида университетда олинган барча назарий, амалий билимлар ва ўқитувчилик касби бўйича орттирилган кўникмалар бевосита ўқув-тарбия жараёнида синаб кўрилади. Ўқув фанларидан олинган билимлар билан бир қаторда педагогика, психология, Ўзбекистон тарихи ва Жаҳон тарихини ўқитиш услубияти бўйича билимларни амалиётда қўллашда ижодий ёндошиш даражаси синаб кўрилади. Педагогик амалиёт уч босқичда ўтказилади. Биринчи босқичда талабалар ўқув муассасаси ўқитувчиларининг дарсларини кузатиш орқали тажрибали услубиётчи-ўқитувчиларнинг иш тажрибаларини ўрганишади ва амалдаги иш ҳужжатларни юритишни ўрганишади. Иккинчи босқичда ўқув фанлари – Ўзбекистон тарихи, Жаҳон тарихи, Тарихдан ҳикоялар, Ватан туйғуси, Дунё динлари тарихи, бўйича мустақил дарс беришади, учинчи босқичда эса, мактаб фаолиятининг барча жабҳаларини қамраб олган стажерлик амалиётини ўташади.
Педагогик амалиётни ташкил қилишда талабалар томонидан малака талабларида белгиланган касбий-амалий кўникмаларга босқичма-босқич эришиш кўзда тутилади. Амалиётнинг асосий вазифалари қуйидагилардан иборат:

1. 
   талабалар томонидан эгалланган назарий ва амалий билимларни мустаҳкамлаш, чуқурлаштириш ва кенгайтириш;
   
2. 
   талабаларда касбий-амалий малака ва кўникмаларни таркиб топтириш, касбий муаммоларни аниқлаш, таҳлил қилиш ва ҳал этиш усуллари, услублари ва технологиялари билан танишиш ва эгаллаш;
   
3. 
   фан ва техника ютуқларининг жорий этилиш даражаси билан танишиш ва ўрганиш;
   

Педагогик амалиёти давомида талабалар мустақил равишда ўз билим ва кўникмаларини чуқурлаштирадилар. Ундан ташқари, тарихий воқеа ва ҳодисалар ёритишда замонавий ахборот технологиялардан фойдаланиш мақсадга мувофиқ эканлиги ҳам айтиб ўтилади.