Амалиётнинг ишчи ўқув дастури ўқув, ишчи ўқув режа ва ўқув дастурига мос ҳолда ишлаб чиқилган

Амалиётнинг ўқув режадаги бошқа фанлар билан ўзаро боғлиқлиги
ва услубий жиҳатидан узвийлиги ва кетма-кетлиги

Ишлаб чиқариш амалиёти бакалавриат таълим дастурининг мажбурий бўлаги ҳисобланиб, 2-семестр якунида ўтказилади. Дастурни амалга оширишда талаба ўқув режасидаги Мевачилик, Узумчилик, Ботаника, ўсимликлар физиологияси ва қишлоқ хўжалиги машиналарини механизациялаш ва автоматлаштириш фанлари Олий математика, Информатика ва ахборот технологиялари, Тупроқшунослик, Деҳқончилик, Ўсимликшунослик, ва бошқа фанлардан етарли билим ва кўникмамаларга эга бўлиши талаб этилади.

Фаннинг илм-фан ва ишлаб чиқаришдаги ўрни

Республикамиз халқ хўжалиги тармоқларидан бири қишлоқ хўжалиги соҳаси ҳисобланади. Қишлоқ хўжалигини ривожлантириш, тупроқ унумдорлигини ошириш, экинлардан юқори ҳосил олиш бевосита олинган назарий билимларни амалиётда қўллашга боғлиқ. Шундай келиб чиқиб, ишлаб чиқариш шароитида талабаларнинг назарий билимларини мустаҳкамлаш, уларга дала ва лаборотория тадқиқотларини олиб бориш, тажриба қўйиш, олинган натижаларни ҳисоблаш ва таҳлил қилиш, ҳисоботлар ва илмий мақолалар ёзишга ўргатиш муҳим аҳамиятга эга. Шунинг учун ишлаб чиқариш амалиёти ишлаб чиқариш технологик тизимининг ажралмас бўғинидир.

Фанни ўқитишда фойдаланиладиган замонавий ахборот ва
педагогик технологиялар
Талабаларнинг бу фанни ўзлаштиришлари учун ўқитишнинг илғор ва замонавий усулларидан фойдаланиш, янги информацион–педагогик технологияларни тадбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар, виртуал стендлар ҳамда тупроқ монолитларидан фойдаланилади. Фаннинг ўқитиш турлари дастурда кўрсатилган мавзулар амалий ва лаборатория машғулотлари шаклида олиб борилади. Фанни педагогик услублар – “Кластер”, “Бумеранг”, “ФСМУ”, “ЭССЭ”, “Ақлий ҳужум” тарзида ўтиш ҳам кўзда тутилган. Ўқув машғулотлари кўргазмали ўқув қуроллари, дала шароитида тажриба майдонлари, тупроқ профиллари, лизиметр, вегетацион тажриба сосудлари ва хариталар ёрдамида олиб борилади.