Интизом комиссияси. Комиссия ЎзРТХБ да аккредитацияланган еки рўйхатга олинган брокерлик идоралари, трейдерлари, савдо майдончалари ва уларнинг регистраторлари томонидан йўл қўйилган қоидабузарлик ишларини кўриб чиқади ва уларга нисбатан интизом комиссиясининг низомига мувофиқ қарор чиқаради.
Комиссия йўл қўйилган қоидабузарликларни биржа бошқармаси, таркибий тузилмалар, арбитраж комиссиясининг аризасига мувофиқ кўриб чиқади.Интизом комиссияси чиқарган қарорлар биржа аъзолари ва биржа бўлимлари томонидан бажарилиши шарт.
Давлат харидлари соҳасидаги шикоятларни кўриб чиқиш бўйича комиссия. Давлат эҳтиёжлари учун харид қилинадиган товарлар бўйича ошкоралик ва шаффофликни таъминлаш мақсадида ташкил этилган. Комиссия бу соҳага оид шикоятларни ўрганиб чиқади ва интизомий ҳамда бошқа чораларни кўриш учун тавсиялар киритади.
Биржанинг устав фонди акциядорлар олган жамият акцияларининг номинал кийматидан ташкил топади ва Узбекистан Республикасининг миллий валютасида ифодаланади. Биржа томонидан чикарилган барча акцияларнинг номинал киймати тенгдир.
Биржанинг устав фонди унинг мол-мулкининг ўз кредиторлари манфаатларини кафолатлайдиган даражадаги энг кам миқдорини белгилайди. Биржа акцияларини сотиб олган ва акциядорлар реестрига киритилган хар бир шахс “акциядор” деб аталади ҳамда Уставдан келиб чиқадиган ҳуқуқ ва мажбуриятларга эга бўлади.
Биржа Устав фонди 15 741 268 200 (ўн беш миллиард етти юз қирқ бир миллион икки юз олтмиш саккиз минг икки юз) сўм миқдорида белгиланган бўлиб, ҳар бирининг номинал киймати 630 сум бўлган 24 986 140 дона оддий эгасининг номи ёзилган ҳужжатсиз акциялардан ташкил топгандир.
Биржанинг устав фондидаги давлат улуши – 26,01 %.
Биржанинг акционерлари:
ЧАБ «Трастбанк» - 19 %;
ҚК МЧЖ «PRESYSTEM UNIVERSAL» - 17,81 %;
АК «Узнефтмахсулот» - 6 %; АГМК – 6 %;
АЖ «Ўзбек металлургия комбинати» - 6 %;
бошқа юридик ва жисмоний шахслар – 20 %дан камроқ.
Акциядорлик жамияти устав фондининг энг кам миқдори жамият давлат рўйхатидан ўтказилган санада Ўзбекистон Республикаси Марказий банкининг курси бўйича тўрт юз минг АҚШ долларига тенг бўлган суммадан кам бўлмаслиги керак.
Биржа Устав фондини қўшимча акцияларни жойлаштириш йўли билан кўпайтирилиши мумкин. Биржанинг устав фондини унинг ўз капитали ҳисобидан кўпайтириш ва ушбу Уставга устав фондини купайтириш ҳамда биржанинг эълон килинган акциялари сонини камайтириш билан боғлиқўзгартириш ва қўшимчалар киритиш ҳақидаги карор Кузатув кенгаши томонидан қабул қилинади.
Биржанинг устав фондини қўшимча акцияларни жойлаштириш йўли билан купайтириш ҳамда ушбу Уставга тегишли ўзгартиришларни киритиш ҳақидаги қарор акциядорларнинг Умумий йиғилиши томонидан қабул қилинади. Жамият Устав фондини қўшимча акцияларни жойлаштириш йўли билан кўпайтириш тўғрисидаги қарорда жойлаштирилаётган қўшимча оддий акцияларнинг сони, уларнинг жойлаштирилиши муддатлари ва шартлари белгиланиши лозим. Қўшимча акциялар фақат эълон килинган акцияларнинг Биржа Устави билан белгиланган сони доирасида жойлаштирилиши мумкин.
Биржа Устав фондини акцияларнинг номинал кийматинм камайтириш ёки уларнинг умумий сонини қисқартириш, шу жумладан акцияларнинг бир қисмини кейинчалик бекор қилган ҳолда Биржа томонидан акцияларни олиш йўли билан камайтирилиши мумкин.
Биржа Устав фондини акцияларнинг бир кисмини олиш ва бекор килиш йули билан камайтириш акциядорлар Умумий йигилишининг тегишли карори билан амалга оширилади. Устав фондини камайтириш ва Биржа Уставига тегишли ўзгартиришларни киритиш ҳақидаги қарор акциядорларнинг Умумий йиғилиши томонидан қабул қилинади. Биржа устав фондини камайтириш тўғрисида қарор қабул қилинган санадан эътиборан ўттиз кундан кечиктирмай ўз кредиторларини бу ҳакда ёзма шаклда хабардор қилади. Кредиторлар Биржанинг устав фондини камайтириш тўғрисида ўзларига билдириш юборилган санадан эътиборан ўттиз кундан кечиктирмай Биржадан ўз мажбуриятларини муддатидан олдин бажаришини ва устав фонди камайтирилиши билан боғлик зарарларнинг ўрнини қоплашини талаб килишга ҳақли.