Alt dastur turi. AutoCad Reja

ALT dastur turi. AutoCad
Reja:

1. 
   Avtomatlashtirilgan loyihalash tizimlari maqsad va vazifalari, klassifikatsiyasi hamda ta’minot turlari.
   
2. 
   Konseptual loyiha asosida analitik va sonli modellar yaratish.
   
3. 
   Geometrik modellashtirish.
   
4. 
   Loyihalashda fizik jarayonlarni tahlil qilish.
   
5. 
   Dinamik modellashtirish usullarini o‘rganishda CAD, CAM, CAE tizimlarini qo‘llash, texnologik jarayonlarni loyihalash tizimini avtomatlashtirishda amaliy dasturlardan foydalanish.
   

Tayanch iboralar: loyihalash, eskizni loyihalash, texnik loyihalash, avtomatik loyihalash tizimi (ALT), SAD, CAE, SAM, SARR, PDM, GIS, MCAD, EDA, AEC, chekli elementlar usuli, geometrik modellashtirish, karkasli modellashtirish, sirtli modellashtirish, 2D CAD, AutoCAD, Kompas, 3D CAD, SolidEdge

2. Avtomatlashtirilgan loyihalash tizimlari maqsad va vazifalari, klassifikatsiyasi hamda ta’minot turlari.
Loyihalashni avtomatlashtirish deganda loyihani ishlab chiqish jarayonini bajarishning shunday usuli tushuniladiki, bunda loyihalash protseduralari va operatsiyalari loyihalovchining kompyuter dasturlari bilan chambarchas muloqotida amalga oshadi. Loyihalashni avtomatlashtirish hisoblash texnikasi vositalaridan muntazam ravishda foydalanishni nazarda tutadi; bunda loyihalovchi va kompyuter texnologiyalari orasidagi funksiyalarni ratsional taqsimlash va masalalarni mashinada yechish metodlarini asosli tanlash lozim.
Avtomatik loyihalash tizimi (ALT) - avtomatik loyihalashni bajarivchi loyihalovchi tashkilot yoki mutaxassislar jamoasi bilan bog'langan avtomatik loyihalash vositalarining majmuidir. ALT texnikaviy vositalar hamda matematik va dasturaviy ta'minlashni birlashtiradi; matematik va dasturaviy ta'minot muhandislik loyihalash va konstruksiyalash masalalarining xususiyatlarini maksimal hisobga olgan holda tanlanadi. ALTda muhandisning kompyuter dasturlari bilan operativ bog'lanishi vositalari, maxsus muammoli-yo'naltirilgan tillar va informatsion-ma'lumot bazasi qo'llanilishi hisobiga dasturlardan foydalanish qulayligi ta'minlanadi.