«alpomish» dostoni

«ALPOMISH» DOSTONI

REJA:

1. 
   «Alpomish» dostonining o`rganilishi.
   
2. 
   Dostonning yaratilishi.
   
3. 
   Dostonning etakchi g`oyalari.
   
4. 
   Dostonning badiiy xususiyatlari.
   
5. 
   Dostonning tarbiyaviy ahamiyati.
   

«Alpomish» dostoni o`zbek xalq eposining eng yirik, eng murakkab va badiiy jihatdan eng mukammal namunasidir. Xalq baxshilari bu dostonni kuylashga mahorat maktabini egallaganlaridan so`nggina kirishadilar. Shuning uchun «Alpomish» dostoni haqida biror ilmiy fikr bildirish folklorshunos olimlarning orzu mezonlarini anglatsa, «Alpomish» dostonini kuylash doston ijrochisining baxshi sifatida shakllanish darajasini belgilaydi. «Alpomish» dostoni o`zbek folklorshunoslari tomonidan sal kam bir asr o`rganildi va o`rganilmoqda. Umuman olganda, o`zbek folklorshunoslik fani yuqorida ta`kidlaganimizdek, «Alpomish» dostonini yozib olish va o`rganishdan boshlangan, desak xato emas. «Alpomish» dostoni 1921-1922 yillarda G`ozi Olim Yunusov tomonidan parcha tarzida yozib olindi va matbuotda e`lon qilindi. Keyin Hodi Zarif va Mahmud Zaripovlar tomonidan yozib olinda va o`rganildi. 1928 yilda M. Zaripov «Alpomish» dostonining to`liq variantini Fozil Yo`ldosh o`g`lidan yozib oldi. Dostonning bu nusxasi 1939 yilda Hamid Olimjon so`z boshisi bilan nashr etildi.