Aloqa sohasining tashkiliy tuzilishi. Aloqa kichik tarmoqlari. Axborot va kommunikatsiya texnologiyalari

Aloqa, axborotlashtirish va telekommunikatsiya texnologiyalari

• Aloqa, axborotlashtirish va telekommunikatsiya texnologiyalarini xalqimiz farovonligi va mamlakatimiz iqtisodiy taraqqiyotining muhim omili sifatida rivojlantirish O‘zbekistonda amalga oshirilayotgan davlat siyosatining ustuvor yo‘nalishlaridan biri hisoblanadi. Prezidentimiz Islom Karimovning 2013-yil 27-iyunda imzolangan tegishli qarori bilan tasdiqlangan 2013-2020-yillarda O‘zbekiston Respublikasining milliy axborot-kommunikatsiya tizimini kompleks rivojlantirish dasturining qabul qilinishi ham buning yorqin isbotidir.
• Ayni paytda sanoqli daqiqalar ichida boshqa shahar yoki davlatga qo‘ng‘iroq qilish, televizorni masofadan turib yoqish, dunyoda ro‘y berayotgan eng so‘nggi voqealardan xabardor bo‘lish yoki Yer sharining boshqa qismida yashayotgan do‘stingizdan hol-ahvol so‘rash, ishbilarmon sheriklar bilan videokonferensiya o‘rnatish, masofadan turib muzokara o‘tkazish mumkin. Zamonaviy texnologiyalar shu tariqa hayotimizga shiddat bilan kirib kelmoqda. Biz, foydalanuvchilar esa ushbu texnologiyalarni ishlab chiqish, ularning samarali ishlashini ta’minlash, davr talablariga muvofiq muntazam yangilash uchun qancha kuch va mablag‘ sarflanayotgani haqida o‘ylab ham ko‘rmaymiz.

• O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasidan ma’lum qilishlaricha, 2013-yil 1-iyul holatiga ko‘ra, ma’lumotlar uzatish, jumladan, internet tarmog‘iga ulanish xizmatini ko‘rsatayotgan xo‘jalik sub’ektlari soni 924, birgalikda foydalanish punktlari umumiy soni esa 1035 ni tashkil qiladi. Xalqaro axborot tarmoqlaridan foydalanish bo‘yicha umumiy tezlik joriy yil boshiga nisbatan 11 foizga oshdi va 8,7 Gbit/soniyani tashkil etdi. Internetdan keng foydalanish xizmatini ko‘rsatish uchun o‘rnatilgan portallar soni 459,7 mingga yetdi va bu keng polosali multiservis xizmatini ko‘rsatish qamrovini kengaytirish imkonini beradi.
• Joriy yilda zamonaviy texnologiyalar asosida videotelefonlar, internet-televideniye, yuqori tezlikdagi internet, HDTV kanallarini namoyish qilish va boshqa konvergent xizmatlar ko‘rsatish imkonini beradigan, uzunligi 2 ming kilometrdan ziyod keng polosali optik tolali aloqa tarmog‘i qurilishi loyihasi amalga oshirilmoqda. Ayni paytgacha 1000 kilometrdan ortiq optik-tolali kabel yotqizildi. Raqamli televideniyega bosqichma-bosqich o‘tilmoqda.