Алоқа ва ахборотлаштириш, телекоммуникация технологиялари

I. Ўқув фанининг долзарблиги ва олий
таълимдаги ўрни
Ушбу фан ҳозирги замон радиоэлектрон системаларда ишлатиладиган электр таъминот қурилмалар назарияси, схемаларини ҳисоб қилиш, ҳамда шу синфга кирадиган энергия тежамкор, самарали ток манбаларини яратиш, янги функционал технологияга эга, фойдали иш коэффициенти катта бўлган қурилмаларнинг ишлаш принциплари ва уларнинг асосий характеристикалари ҳақидаги маълумотларни қамраб олади. Жамиятда мавжуд электрон қурилмалар таркибидаги таъминлаш манбаларини билишда, уларнинг амал қилишига онгли муносабатда бўлишда ва улардан фойдаланишда талабаларни зарур бўлган билимлар билан қуроллантиради.
“Электр таъминот қурилмалари” фани умумкасбий фанлар блокига киритилган курс ҳисобланиб, 2-курсда ўқитилиши мақсадга мувофиқ. “Электр таъминот қурилмалари” ишлаб чиқариш-техник соҳа фанлар туркумига киради ва “Радиоэлектрон қурилмалар ва тизимлар” йўналишида ўқитилади. Мазкур фан соҳага тегишли бошқа фанларни ўқитишда замин бўлиб хизмат қилади.


II. Ўқув фанининг мақсади ва вазифаси
Фанни ўқитишдан мақсад – талабаларга радиоэлектрон системаларда ишлатиладиган электр таъминот қурилмаларини тузиш назариясини ўрганиш, схемалар ҳисобини қилиш, шу синфга кирадиган қурилмаларни яратишни ўргатишдан иборат.
Ушбу мақсадга эришиш учун фан талабаларни назарий билимлар, амалий кўникмалар, турли масалаларни таҳлил этиш, мустақил фикрлаш, соҳага тегишли жараёнларга услубий ёндошув ҳамда илмий дунёқарашини шакллантириш вазифаларини бажаради.
Фан бўйича талабаларнинг билим, кўникма ва малакаларига қуйдаги талаблар қўйилади. Талаба:
- электр таъминот қурилмалари фанининг аҳамияти тўғрисида тасаввурга эга бўлиши;
- ярим ўтказгичли асбобларнинг шартли белгиси ва ишлаш принципи, оддий, мураккаб индуктив, актив қаршилик ва сиғимлардан иборат занжирларнинг иш фаолиятлари ва қонуниятлари, ўлчов асбобларини ишлаш принципини билиши ва улардан фойдалана олиши;