Алоқа линия иншоатларини лойиҳалаштириш

4. Лойиҳалаштирилаётган магистрал трассасини танлаш ва асослаш

Алоқа линия трассасини танлаш асосан алоқа охирги манзилгоҳларни жойланишига боғлиқдир. Трассани танлашда қуйидагиларни ҳисобга олиш зарур:

Трассанинг узунлиги қисқа бўлиши керак, халақит берувчи сабаблари кам бўлиб, қурилишни мураккаблаштирмаслиги ва нархларни ошиб кетмаслиги, техник эксплуатация хизматларини олиб боришни енгиллаштириш, кучли токлардан ва атмосферадан ҳосил бўлувчи токлардан муҳофаза этиш учун харажатлар кам бўлиши керак.
Қуйида алоқа трассасидаги кабелларни бошқа иншоатлар билан минимал яқинлашиш масофаси келтирилган:

1. 
   Ишлаб чиқариш жараёни бўйича:
   

• 
  дарёлардан – 100 м;
  
• 
  автомобил ва темир йўллар четидан – 5 м;
  
• 
  шаҳар ташқарисидаги нефт қувуридан – 10 м;
  
• 
  шаҳардаги газ қувурлари ва иссиқлик қувурларидан – 1 м;
  
• 
  шаҳардаги уйларни қизил чизиғидан – 1,5 м;
  

Трассани танлаш жараёнида қидирув ишлари икки босқичда олиб борилади. Биринчи босқичда картограф материаллари, адабиёт ва бошқа манбалардан, яъни архив материалларидан фойдаланилади. Бунда асосан жойнинг рельефи, ер ости иншоотлари, дарёлар ва ер ости сувлари, коррозия берадиган ерлар ўрганилади. Кейин эса трасса ўтадиган вариантлар картага белгиланади.

Иккинчи босқич ишлари ўз ичига тўғридан–тўғри шу жойларга тегишли бўлган ерларда олиб борилади, унда трассани танлаш ва корректировка қилиш ишлари бажарилади ва унда биринчи босқичда олиб борилган маълумотлардан фойдаланилади. Бунинг учун регенерация пунктларини жойлаштириш учун керак бўлган бошқа ташкилотлар билан трассанинг йўналиши келиштирилади. Ер қаърининг характерини аниқлаш учун ҳар бир километрда чуқурлиги 1,2 метргача қазиш (шурфлаш) ишлари олиб борилади. Агар ер ости иншоатлари линия трассаси билан кесишадиган бўлса, у ҳолда шу кесишадиган иншоатга тааълуқли ташкилотларининг вакили қатнашган ҳолда изланув ишлари олиб борилади. Бундан ташқари ернинг ўтказувчанлиги ҳам ўлчанади. Қурилиш ишларини бажариш учун қурилиш режалари тузилади ва бунда қаерга қандай материалларни жамлаш ва керакли асбоб анжомлар йиғиш омборхона жойлари тайинланади.