Алмаштириш самараси – иш ҳақини ортиши натижасида бўш вақтнинг қисқариши. Алтернатив ҳаражатлар

Алмаштириш самараси – иш ҳақини ортиши натижасида бўш вақтнинг қисқариши.
Алтернатив ҳаражатлар (opportunity cost) – танлашда воз кечилган энг яхши алтернатив вариантдан олинадиган натижа (қиймат, фойда, нафлик). Алтернатив қийматни фойдаланилмаган имконият деб ҳам қарашади: бирор неъмат қийматини воз кечилган бошқа бир нечта неъмат қиймати билан ифодаланиши.
Амортизасия (depreciation) – босқичма-босқич асосий капитал қийматининг маълум бир қисмини ишлаб чиқариладиган маҳсулот қийматига ўтказиш йўли билан уни қоплаш.
Асимметрик ахборот – бу шундай ҳолатки, бунда бозорда бўладиган савдо-сотиқда бозор қатнашчиларидан бир қисми керакли, муҳим ахборотга эга қолган қисм эга эмас.
Ауцион – товарни олди-сотдисини ташкил қилиш усулларидан бири бўлиб унда трансаксия ҳаражатлари реал вақт режимида ўтади.
Бертран мувозанати (Bertrand equilibrium) – бозор дуополик бўлганда фирмалар товар нархини тушириш ва маҳсулот ишлаб чиқариш ҳажмини ошириш орқали бир бири билан рақобатлашади. Товар нархи чекли ҳаражатга тенг бўлганда мувозанат ҳолат барқарорлашади.
Бефарқлик чизиғи (indifference curve) – шахс учун бир хил наф берадиган бўш вақт, иш вақти ва иш ҳақи (даромад) комбинасияларини ифодаловчи эгри чизиқ (бу ерда бўш вақт ва иш вақти 0 дан 24 соатгача қиймат қабул қилади ва ҳар бир иш вақти маълум даромадни, иш ҳақини ифодалайди).
Бозор мувозанати – бозорда таклиф миқдорини талаб миқдорига тенг бўлган ҳол; таклиф чизиғи билан талаб чизиғи кесишган нуқтага мувозанат нуқта дейилади.
Бюджет – истеъмолчининг маълум вақт оралиғида оладиган барча даромадлари йиғиндиси.
Бюджет чегараси (budget constraint) – «умумий вақт - даромад» координаталарига эга бўлган тўғри чизиқ бўлиб, унинг ётиқлик бурчаги иш ҳақини ифодалайди. (даромад 0 бўлганда вақт 24 соатга тенг, яъни (24,0).
Бюджет чизиғи – бюджетни тўлиқ сарфлаш шарти билан истеъмолчи сотиб оладиган товарлар комбинасияларини ифодаловчи чизиқ.