Allayarov A. I. O’rmonov H. B. O‘zbekistondagi ziyoratgoh obidalar

Gumbazi Sayyidon maqbarasi. Qashqadaryo viloyati. Shahrisabz, XV asr. 1437-1438 yillarda bunyod etilgan Gumbazi Sayyidon maqbarasi o’ziga xos maqbaralar majmuasini tashkil etadi. Gumbazlariga naqshinkor bezaklar tushirilgan. Undagi yozuvlarga asoslanib Mirzo Ulug’bek avlodlariga oid, degan taxminlar qilinadi. XV — XVII asrlarda maqbara ichiga Termiz sayyidlari ismlari ko’rsatilgan bir necha qabrtoshlar olib kirilgan. Bu keyinchalik maqbaraning Gumbazi Sayyidon, deb atalishiga olib kelgan. Binoning asosi katta bir xonaqoh, gumbaz hamda unga ulanib ketgan mayda xonalardan iborat.⁷¹