Allayarov A. I. O’rmonov H. B. O‘zbekistondagi ziyoratgoh obidalar

Murishkor ota ziyoratgohi. Mirishkor ota uzoq davrlardan beri xalq orasida safarga chiquvchilarning piri sifatida e’zozlanib kelinadi. Shu sababli Mirishkor ota dafn etilgan ushbu maskan ziyoratgoh sifatida isnonlarning ardoqli joyiga

Murishkor ota ziyoratgohi

aylangan. Ushbu ziyoratgoh Marhamat tumani Tandirchi qishlog’i hududida joylashgan. Mazkur ziyoratgoh to’g’risida Obidjon Mahmudov quyidagilarni hikoya qiladi: “Xoja Mirishkor ota yetti og’a-ini ichida to’ng’ich farzand bo’lib, voyaga yetganlarida asosan dehqonchilik va ovchilik bilan shug’ullangan. Shu bois xalqimiz u zotni dehqonlarning piri deb bilganlar.Mirishkor ota so’zini ma’nosi –

avliyo, ovchilar amiri (hokimi) deganidir. Bu ziyoratgohga ko’proq davlattalab, farzandtalab, olis safarga boruvchilar iltijo qilib kelguvchilar tashrif buyuradilar. Ya’ni uzoq safarga otlanganlarning haloskori deb ham tilga olinadi. Bu joyga nafaqat tuman, hatto qo’shni respublika viloyatlaridan ham ziyoratchilar kelib turadilar.

1955-1956 yillarda Xoja Mirishkor ota qabristoni xududida mahalliy ustalar tomonidan masjid binosi qurilgan. Keyinchalik mahalliy ustalar tomonidan ko’rkam darvoza va maqbara qurilgan”.²⁶