Allayarov A. I. O’rmonov H. B. O‘zbekistondagi ziyoratgoh obidalar

Download 7,76 Mb. bet 87/166 Sana 25.01.2022 Hajmi 7,76 Mb. #409292

Bog'liq
O\'zbekistondagi ziyoratgoh obidalar (risola) o1 (2)

Mir Said Bahrom maqbarasi

arkalardan iborat. Arkalarda yog’ochdan o’yib ishlangan naqshlar saqlanib qolgan. Maqbara masjid bilan o’zaro tutashgan. Masjid atrofida uzun ayvon bor. Ayvonda o’yma naqshlar bilan bezatilgan yog’och ustunlar o’rnatilgan. Imoratning ushbu qismi zamonaviy qurilish asosida ta’- mirlangan. Ayvon va hovli pishiq

g’ishtlar bilan terilgan. Hozirda Mir Said Bahrom maqbarasi oldida bog’ barpo qilingan. Karmana aholisi bu yerda Navro’z, Mustaqillik va hosil bayramlari nishonlanadi. Ushbu arxitektura kompleksi o’sha davrning mohir ustalari tomonidan qurilgan bo’lib, hozirgi kunda tarixiy va ma’naviy yodgorlik sifatida muhim ahamiyatga ega.¹⁰¹

Mir Said Bahrom maqbarasi Karmana shahrining markaziga yaqin Mir Said Bahrom mahallasining shimoliy chegarasida joylashgan. Maqbara X-XI asrlarga xos bo‘lib mamlakat hisobidagi yodgorliklar qatoriga kiradi. Maqbara bir gumbazli, to‘rtburchak shaklda, hamma tomoni bir xil o‘lchovdagi pishiq g‘ishtdan tiklangan. Bino bir necha bor ta’mir qilinib, dastlabki ko‘rinishini tiklagan. Uning old qismi juda ustalik bilan bezatilgan, g‘isht turli usulda terilib, unga har xil shaklda bezak berilgan. Maqbaraning janubiy tomonida bitta eshik bor, uning tepa qismida kungurador panjarali tuynuk ochilgan. Bosh fasat pishiq g‘ishtdan qayta terilgan, unda geometrik naqshlar, kufiy usulda bitik yozilgan. Maqbara o‘rtasida Mir Said Bahromning qabri bor. Qabr yonida arabcha so‘zlar yozilgan ikkita qabr toshi ham saqlanib qolgan. Aslida Mir Said Bahrom to‘g‘risida aniq ma’lumotlar yo‘q. Ehtimol u kishi musulmon dinining yirik nomoyondalaridan biri bo‘lgandir. Ehtimol Samoniylar sulolasi vakillaridan biridir. Chunki maqbara qurilish jihatidan, Buxorodagi Ismoil Samoniy maqbarasiga o‘xshab ketadi. Maqbaraning birinchi tadqiqotchisi A.K.Pisarchik hisoblanadi. XX asrning 60 yillarigacha bu yodgorlik ko‘pchilik e’tiborini tortib kelgan. 1969 yilning qattiq qishida ko‘p qor-yomg‘ir yog‘ishi natijasida maqbara binosi qisman cho‘kib devorlari va gumbazlarida yoriqlar paydo bo‘lgan. Hozir Mir Said Bahrom maqbarasi atrofi obodonlashtirilib, uning yonida «Yoshlik» bolalar istirohat bog‘i tashkil etilgan. 1965-1970 yillarda maqbara yonida ayvonli masjid bo‘lgan, keyinchalik u buzilib ketgan. Bugungi kunda buzilib ketgan ayvonli masjid qayta tiklanib o‘z holatiga qaytarilmoqda.¹⁰²

Download 7,76 Mb.

Do'stlaringiz bilan baham: