Alla buyırsa student Isle aldıǵa háreket

Alla buyırsa student

Isle aldıǵa háreket,

Sabır túbi bereket,
Alla buyırsa sentyabrde,
Men bolaman student,

Ústime kiyip aq forma,

Júrsem QMU aldında,
Anamnıń bergen aq sútin,
Aqlasam eldiń aldında.

Student bolıw ańsatpa,

Tógeseń sonsha terińdi,
Sabırlı bol toqtama.

Mart. 2022

Házil hám shın aralas qosıq

Alıs-jaqın jerlerden,

Kelip muǵallim izlegen,
Mine nátiyje shıǵıptı,
Hámme oqıwǵa kirgen.

Shashıw beriwdi endi,

Muattardan basladıq,
Jáne byudjettiń birewi,
Jamshidtide qoymadıq.

Keyingi gezek kimdiki,

Bilmeymiz ele anıǵın,
Hámme student bolıptı,
Quwantıp ata-anasın.

Eń baslısı tilektiń,

Hámme student bolǵay,
Alǵısın alıp ustazdıń,
Bárhá quwantıp turǵay.

Mártebesi Jarastıń,

Bunnanda biyik bolsın,
Dep tiledi kempir apam,
Shákirtleri kóp bolsın.

28.08.2022

Ómir

Ómir sen adamdı sonsha qıynaysań,

Ázzilerdiń júregin dım tırnaysań,
Túrli sınaw berip hár birimizge,
Zorǵa júrgenlerdiń sabırın sınaysań.

Kimgedur pıshaq berip kimgedur balta,

Ortasında payda qılasań ǵawǵa,
Kimgedur berip ómirdiń tatlı miywesin,
Kimlerdi baxıtsız qılasań bárhá.

Ómir nege hámmeni teń jaratpaysań,

Kimdidur bay qılasań kimdidur jarlı,
Kimgedur berip baylıq, hámeldi,
Ornına baxıttı tartıp alasań.

Ey ómir ayamaysań heshkimdi,

Kimgedur ashshısań kimgedur tatlı,
Kóp sınawlarıńdı kórmedim ele,
Sende men jasap kelgenli beri.

26.08.2022

Ata-anamdı saǵındım

Kúlimlep qaraǵan kózlerin,

Mehrge tolı júzlerin,
Anamnıń aytqan sózlerin,
Uzaqta júrip saǵındım.

Asqar taw ákemniń aybatın,

Oqıwdan alıp qaytqanın,
Erkelep bawırına basqanın,
Baxıtlı kúnlerdi saǵındım.

Erkelesem qırsıqlıǵım kótergen,

Óz erkime meni jibergen,
Ne aytsam bárine kóngen,
Búgin ata-anamdı saǵındım.

Birewge ókpelep jılasam,

Esikti jawıp ashpasam,
Jılay berip qoymasam,
Jubatqan anamdı saǵındım.

Jıynalısımnan hesh qalmaǵan,

Jetiskenligime maqtanǵan,
Búgin mennen kewli tolǵan,
Asqar taw ákemdi saǵındım.

11.09.2022

Studentlik dáwir keldi

Niyet etken kúnler keldi,

Studentlik baxıt jetti,
Otırmız mine úlken zalda,
Lekciya tıńlaw waqtı keldi

Júrmiz institut aldında,

Hárkimniń oyı hárjaqta,
Tıńlawǵa ǵárezsizlik sabaǵın,
Kiremiz aktiviy zalǵa.

Kimler keler asıǵıp,

Birewler keler keshigip,
Oqıwǵa kirdik dep búgin,
Júr studentler quwanıp.

05.09.2022

Anajan

Ósirdiń álpeshlep alaqanıńda,

Erkelep óskenbiz keń qushaǵıńda,
Aq sútin aqlap búgin ata-anamnıń,
Turman student bolıp bilim baǵında.

Qansha mashaqqat penen keltirip kámalǵa,

Keltirdińiz bizdi bul jarıq dúnyaǵa,
Tárbiyaladıńız berip, bar mehrińizdi,
Raxmet aytaman sizge anajan, ana.

Ákejan-anajan

Sonsha qıyınshılıq penen keltirip kámalǵa,
Usı dárejege keltirdińiz anajan,
Sizdiń arqańızda kirdik oqıwǵa,
Isenimińizdi aqlayın men ákejan.

Toǵız ay kóterip bizdi qarında,

Tórt perzentti keltirdińiz dúnyaǵa,
Erten kóremen dep bizdi ráhátti,
Tárbiyalap ósirgensiz anajan.

Qáte is islesemde baqırmay,

Qatarımnan ósirdińiz kem qılmay,
Jıynalıslardan da hesh qalmay,
Ómirimdegi asqar tawsız ákejan.

Eki ul eki qızdıń bolǵan anası,

Sonsha jıl baǵıp bolǵan panası,
Búgin sol tórt perzentińiz er jetti,
Aldımızda aman bolıń anajan.

Mektepke birinshi ret qádem basqanda,

Matematikanı túsinbey qıynalǵanımda,
Sabaǵımnan úlgermey qalǵan waqtımda,
Kómekshi bolǵansız ózińiz ákejan.

Qıyınshılıqtı birge jeńip óttińiz,

Búgin sizler ata-apa atanǵan,
Kóbeyip basladı áwladlarıńız,
Izi tawsılmasın áke-anajan.

29.10.2022

Háweskermen

Qosıǵım tawsılmas jaza beremen,

Dártimdi qosıqqa tógip kelemen,
Bıraq qátelerim kóp onı sezemen,
Men shayır emes tek háweskermen.

Shıǵara almaspan qosıǵım jarıqqa,

Uqsaydı meniń ele jolım alısqa,
Párwaz etemen dep sen dım asıqpa,
Ele shayır emes tek háweskermen.

Quwanısh kúlkiniń bári aldında,

Kúyip ketpe endi hijran daǵında,
Jańlap tursań sen kewil baǵımda,
Qosıq jazatuǵın tek háweskermen.
29.12.2022

Júrek dárti

Muhabbat báhárdiń sulıw sezimi,
Bıraq bolmadaw maǵan keregi,
Kóshedegi ashıqlardı men kórsem,
Júregimdi qıynap, azap beredi.

Saǵınısh órteydi kewilim baǵın,

Kótere almaspan ayralıq daǵın,
Bir kóriw ushın intizar bolǵan,
Saǵınıshtan tógilgen kózdegi jasım.

Seni kórgende quwanǵan kózim,

Búgin sarǵayıp muńaydı júzim,
Keshir sen meni keshire alsań,
Óldi saǵan degen mendegi sezim.
28.12.2022

Joqsań

Tún uyqıńnan bıraz urlasam,
Saǵınıp seniń qasıńa barsam,
Ashıwıńdı shıǵarıp erkelik qılsam,
Deymende bıraq, endi sen joqsań.

Qol uslasıp túnde qala aylansam,

Sen gitar shertip, men qosıq aytsam,
Keshir meni, eger seni muńaytsam,
Degim keler bıraq endi sen joqsań.

Ómiriń mazmunı mem ózim bolsam,

Júregińe seniń ıshqı otın jaqsam,
Qırsıqlıq qılıpkewlińnen qalsam,
Keshir degim keler bıraq, sen joqsań.

29.12.2022

Sharshadım

Geyde ketkim keler dım alıs jerge,

Adam joq izleytin bir ǵayrı elge,
Sharshadım ómirdiń bul sınaǵınan,
Íǵızıp jiberse edi meni teńiz túbine.

Aytalmayman dártimdi bári ishimde,

Júregim qıynalıp azap shegiwde,
Qutılaman qashan bul qıyınshılıqtan,
Ilaj joq kónip jasaymız endi ómirde.
26.12.2022

Sharasızban

Bolar eken kóp aljasıq ómirde,
Sabır kerek shıdam kerek bárine,
Bul ómirdiń ashshısına kónbeseń,
Jetalmaysań aldıńdaǵı maqsetke.

Jumıs dedim júrdim gezip kóshede,

Ata-anama beralmadım járdem de,
Aramızdaǵı bir shaytannıń isinen,
Bir kúnleri siymay qaldım úygede.

Tayarlıq dep qaramappan jaǵdayǵa,

Ata-anamdı qaldırdım tek ziyanǵa,
Oqıw dep ayrıldım jaqın insannan,
Ókinbeymen kirgenime oqıwǵa,

Hám ákemdi, hám anamdı qıynadım,

ózimde qıyınshılıqqa shıday almadım,
Ketkim kelip turdı dım alıs jerge,
Bıraq ketiwge de imkan tappadım.

03.01.2023

Kerek

Bul ómirde muńaymay,

Qıyınshılıqqa qaramay,
Jamannıń pikirin tıńlamay,
Mazmunlı ómir súriw kerek.

Meyli jamanlasın izińde,

Ósek aytsa da keynińde,
Gúnasın tartsın ózine,
Qoldı siltep jasaw kerek.

Kim ne dese isenbey,

Jamanǵa qolıńdı bermey,
Gápine onıń qulaq túrmey,
Ómirde solay jasaw kerek.

06.01.2023

Jalǵız qalǵım keledi

Sál nársege ashıwım shıqsa,

Ya máselem sheshilmey qalsa,
Awırıp mazam bolmay qalsa,
Sonda jalǵız qalǵım keledi.

Ómir sınaw berip sınasa,

Doslarımnan ayırıp taslasa,
Súygenime táǵdir qospasa,
Sonda jalǵız qalǵım keledi.

Paydam tiymese ata-anama,

Sıymay qalsam kewilxanama,
Barıp qalsam suwlı jaǵaǵa,
Sonda jalǵız qalǵım keledi

07.01.2023