Alisher navoyi nomidagi samarqand davlat universiteti

Fan bo’yicha talabalarning bilimiga, ko’nikma va malakasiga qo’yiladigan talablar
“Manbashunoslik va tarixshunoslik” o’quv fanini o’zlashtirish jarayonida amalga oshiriladigan masalalalar doirasida bakalavr:

- Manbashunoslik va tarixshunoslik kursining maqsad va vazifalari, O’zbekistonda manbashunoslik va tarixshunoslikning shakllanishi va taraqqiyoti, manbashunoslikning asosiy bo’limlari, tarixiy manbashunoslik va uning asosiy yo’nalishlari, manbashunoslik va tarixshunoslikning nazariyasini bilishi kerak;

- Talaba tarixiy ma’lumotlarni xolis, tarixiylik asosida tahlil qilishi, tarixiy manba va tadqiqotlarni xolis, mustaqil tadqiq qilishi, O’rta Osiyo tarixiga oid antik, o’rta asrlar va XVIII-XIX asr birinchi yarmidagi tarixiy manbalari, tadqiqotlari, mintaqaning chor Rossiyasi boshqaruvi davridagi hamda sovet hokimiyati yillari, mustaqil O’zbekiston tarixini yorituvchi manbalar, tadqiqotlar haqida ko’nikmalariga ega bo’lishi kerak;

- talaba mustaqil O’zbekistonda manbashunoslik va tarixshunoslikning muammolari va taraqqiyot vazifalari, hozirgi sharoitda O’zbekistondagi tarixiy manbashunoslik va tarixshunoslikning xususiyatli jihatlarini ilmiy jihatdan o’rganishi, tarix bilimlarini rivojlanishi va o’zgarishlarini aniqlovchi omillar, tarix bilimi, tarix fanidagi izchillik, tarix fanida mavjud bo’lgan maktablar, tarix fani tarixidagi ijtimoiy va siyosiy tarkibiy qismlar, tarix fanining vujudga kelishiga oid malakalariga ega bo’lishi kerak.

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviy ketma-ketligi
Manbashunoslik va tarixshunoslik fani umumkasbiy fan hisoblanib, 5-6 semestrlarda o’qitiladi. Dasturni amalga oshirish o’quv rejasida rejalashtirilgan O’zbekiston tarixi, arxivshunoslik, arab, fors tillari, eski o’zbek yozuvi fanlaridan yetarli bilim va ko’nikmalarga ega bo’lishi kerak.