Alisher navoiy nomidagi toshkent davlat

“Alisher Navoiyning “Majolis un-nafois” asarida ustoz-shogird 

an’anasi talqini” mavzusida yozgan bitiruv malakaviy 

ishiga ilmiy rahbar 

XULOSASI 

 

Alisher Navoiy ijodiy merosi o‘zbek adabiyotshunosligida asrlar davomida 

o‘rganib kelingan. Shoir merosi tadqiq etilgani sari o‘rganilishi lozim bo‘lgan 

masalalar ravshanlashadi. Hozirga qadar “Majolis un-nafois” tazkirasi Oybek, 

Porso Shamsiyev, Vohid Abdullayev, Suyima G‘aniyeva singari olimlar 

tomonidan o‘rganilgan. Hattoki, tazkiraning mukammal ilmiy-tanqidiy matni 

yaratilgan. 

Talaba Shoira Saydullayevaning “Alisher Navoiyning “Majolis un-nafois” 

asarida ustoz-shogird an’anasi talqini” mavzusidagi bitiruv malakaviy ishi 

navoiyshunoslik hali jiddiy tadqiq etilmagan muammoga bag‘ishlanganligi 

dolzarbdir. Ishda “Majolis un-nafois” tazkirasining tub zaminiga singdirib 

yuborilgan mazmun-mohiyat, ya’ni Navoiy pedagogik qarashlarining aks etishi 

masalasi jiddiy kuzatilgan. 

Talaba bitiruv malakaviy ishida tazkiraning har bir majlisini sinchkovlik bilan 

kuzatgan. Navoiyning adabiy-estetik qarashlari har bir ijodkor faoliyatiga 

munosabatini o‘rgangan. Bitiruv malakaviy ishining ilmiy yangiligi quyidagilarda 

aks etadi: 

1. 

Navoiy tazkirasining boshqa tazkiralardan farqli jihati tarixiy-qiyosiy 

metod asosida jiddiy o‘rganilgan. 

2. 

Tazkiradagi turli toifa vakillarining adabiyotga daxldor faoliyati talaba 

tomonidan qiyosiy-tipologik usulda o‘rganilgan. 

---

■ Bitiruv malakaviy ishi 

• ≈≈≈≈≈≈≈≈≈≈≈≈≈≈≈≈≈≈≈≈≈≈≈≈ • Shoira Saydullayeva 

≈ 5 ≈ 

 

 

3. 

Ilk marotaba “Majolis un-nafois”da ustoz-shogird masalasi 

tadqiqotchilik metodi asosida yoritilgan. 

4. 

Talaba “Majolis un-nafois” tazkirasini ilmiy-tanqidiy matnidan 

unumli foydalangan. Bu esa fanlararo uyg‘unlik, ya’ni matnshunoslik va adabiy 

manbashunoslik sohasining adabiyot o‘qitish metodikasi bilan bog‘liq holda 

o‘rganishni ta’minlagan. 

Shu o‘rinda mavzuning ancha salmoqli ekanligi, talaba sof nazariy 

ma’lumotlarni zamonaviy pedagogik texnologiyalardan foydalanib, metodik 

jihatdan asoslab berishda ancha izlanganligini ham ta’kidlash lozim.  

Men talaba Shoira Saydullayevaning ilmiy salohiyatini qadrlagan holda, 

uning kelajakda ilmiy tadqiqot olib borishga keng imkoniyatlari yetarli ekanligini 

ta’kidlab o‘tishni joiz deb bilaman. 

Ishda ba’zi o‘rinlarda juz’iy kamchiliklar ham ko‘zga tashlanadi. Xususan, 

sahifalarda uslubiy g‘alizliklar, xulosalarning yetarli emasligi ma’lum bo‘ladi. 

Lekin bu kabi holatlar ishning umumiy saviyasiga ta’sir qilmaydi. 

Men Shoira Saydullayevaning “Alisher Navoiyning “Majolis un-nafois” 

asarida ustoz-shogird an’anasi talqini” mavzusidagi bitiruv malakaviy ishini yuqori 

baholagan holda himoyaga tavsiya etish mumkin deb hisoblayman.