Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

Ravishlar gapda quyidagi sintaktik vazifalarni bajaradi:

1. 
   Ravishlar holning barcha turlarini hosil qiladi. Holat, daraja-miqdor ravishlari fe’lga bog‘lansagina hol vazifasini bajaradi. Masalan: Xo‘roz arang qochib qutulibdi. Oz so‘zla, ko‘p o‘yla. O‘rin, payt, sabab, maqsad ravishlari esa har doim hol vazifasini bajaradi.
   
2. 
   Ravishlar otga bog‘lansa sifatlovchi-aniqlovchi vazifasini bajaradi. Masalan: Otamizning o‘lganiga ancha yil o‘tib ketdi. Oz so‘z – soz so‘z.
   
3. 
   Ravishlar gapning oxirida kelsa ot kesim vazifasini bajaradi. Masalan: O‘tloqda bedana ko‘p, dangasada bahona ko‘p.
   

Ravishlarning ma’noviy turlari. Ravishlar ma’nosiga ko‘ra holat, payt, o‘rin, miqdor-daraja, maqsad-sabab ravishlariga bo‘linadi:





HOLAT RAVISHI. Harakat-holatning qanday vaziyatda bajarilganini bildirgan va qanday? qay holda? qay tarzda? so‘roqlariga javob bo‘luvchi ravishlarga holat ravishlari deyiladi. Holat ravishlariga jim, yayov, chindan, qo‘qqisdan, piyoda, majburan, tasodifan, astoydil, eskicha, qatorasiga, birma-bir, yakkama-yakka, yonma-yon, bafurja, arang, zo‘rg‘a, mardlarcha, yaqqol, yangicha o‘rtacha, bazo‘r, bemalol, beomon, beto‘xtov, to‘xtovsiz, bexosdan, tez, asta, sekin, ohista, birdan, birdaniga, bir-bir, omon-eson, darrov, darhol, ochiq-oydin, xomligicha, yuzma-yuz kabi ravishlar kiradi.
Esda saqlang: qo‘qqisdan, to‘satdan, birdaniga, bir­dan singari ravishlar harakatning kutilmagan paytda tez yuzaga kelganini ifodalaydi. To‘satdan ravishi ayrim shevalarda to‘sindan holida ham talaffuz qilinadi. Bunda u dialektal variant hisoblanadi.
Holat ravishi gapda:

1. 
   fe’lga bog‘lanib, ravish holi vazifasida keladi: Botir sekin ko‘zini ochdi.
   
2. 
   Otga bog‘lanib, sifatlovchi aniqlovchi vazifasida keladi: Yigitning ko‘ngli tinchidi va aybdorlarcha tabassum bilan qizga qaradi.
   
3.