|
1.Barcha tirik organizmlarda hayot jarayonlarining yuzaga chiqishi uchun tashqaridan keladigan energiya zarurdir. Bu energiyaning asosiy manbai quyosh energiyasidir. Yerga kelayotgan kuyosh energiyasining 19 foizi atmosferadan o’tish vaqtida yutilib koladi. 34% i fazoga qaytariladi. Faqatgina 47%i Yerning ustki qismiga yetib keladi.
Quyosh nurining spektr tarkibi 3 kismdan iborat bo’lib, uning 1-5 %i ultrabinafsha nurlarga, 16-45 %i ko’rinadigan nurlarga, va 49-84% i infraqizil nurlarga to’g’ri keladi. Ultrabinafsha nurlarning faqat uzun to’lqinlilari yer yuzasigacha yetib keladi. To’lqin uzunligi kichik bo’lgan ultrabinafsha nurlar yerdagi hayot uchun xavfli bo’lib,ozon katlami tomonidan deyarli tulik yutilib koladi. Yerga yetib keladigan ultrabinafsha nurlar yuqori kimyoviy aktivlikka ega bo’lib, ularning yuqori miqdori organizmlarga salbiy ta’sir ko’rsatadi. Bu nurlarning kichik miqdori organizmlar uchun zarur hisoblanadi, chunki bu nurlar ta’sirida hayvonlar organizmida vitamin D hosil bo’ladi va bu nurlar yukori bakterisid aktivlikka ega.
Infra qizil nurlar issiqlik manbai hisoblanadi.
Yorug’lik spektrlari orasida ko’rinadigan nurlar muhim ahamiyatga ega.
O’simliklar uchun yorug’lik xlorofilning hosil bo’lishiga, og’iz aparatining ishlashiga, transpirasiyaga ta’sir ko’rsatadi, ba’zi fermentlarni aktivlashtiradi, oqsil va nuklein kislotalar sintezini tezlashtiradi, xlorofilning bo’linishiga, o’simliklarning o’sishi va rivojlanishiga ta’sir ko’rsatadi. Lekin yorug’lik fotosintez jarayonida eng muhim ahamiyatga ega. Yuqori o’simliklar, ba’zi bakteriyalar yorug’lik energiyasini organik moddalarning kimyoviy bog’lar energiyasiga aylantirish xususiyatiga ega. Bunday organizmlar fotoavtotrof organizmlar deyiladi. Turli yashash muhitining yoritalganlik darajasi uning geografik holatiga, balandligiga, relfiga, atmosfera holatiga, o’simliklar qoplamiga, yil va sutkaning vaqtiga bog’liq. Shuning uchun yashash muhitining yoritilganligiga o’simliklarda turli morfologik va fiziologik moslanishlar paydo bo’lgan. Yorug’likka bo’lgan ehtiyojga qarab o’simliklar quyidagi guruhlarga ajratiladi:
Yorug’sevar o’simliklar yoki geliofitlar - ochiq yerlarda, yaxshi yoritilgan joylarda o’sadigan o’simliklar.
Soyasevar o’simliklar yoki ssiofitlar - o’rmonlarning pastki yaruslarida, gorlarda, suvlarning chukur joylarida o’sadigan o’simliklar.
Soyaga chidamli o’simliklar yoki fakultativ geliofitlar. Bular soyada ham, yaxshi yoritilgan joylarda ham usaveradi.
Har bir guruh o’simliklar o’zlari yashaydigan muhitning yoritilganlik darajasiga moslanishlar paydo qilgan. Odatda geliofitlarning barglari kichik va qalin, novdalari qisqa bug’inli bo’ladi. Barg og’izchalari ko’p, bargda xlorofill kamroq. Ssiofitlarda barglar tuq yashil rangda, yirik va yupqa, tanasida suv miqdori ko’p bo’ladi. Soyaga chidamli yoki fakultativ geliofitlar muhitning yoritilganlik darajasi o’zgarishiga tez moslasha oladi.
O’simliklarning haroratga moslashuvi. Umuman quruqlikdagi organizmlar suv organizmlariga nisbatan evriterm hisoblanadi. O’simliklar harakatsiz bulgani uchun yashash muhiti haroratiga kuproq bog’liq holda hayot kechiradi. Juda sovukhq va juda issiq ulkalarda o’sadigan o’simliklar 60-90 S gacha harorat o’zgarishiga chiday oladi. Yomg’irli tropik ulkalardagi o’simliklar esa harorat +5+8 S gacha pasaysa nobud bo’lishi mumkin. O’simliklar tana haroratini boshqarishga qobiliyatli emas.Tanada hosil bo’ladigan energiya tezda suv bug’latishga sarflanadi yoki tashqi muhitga tarqatiladi. Shuning uchun ularning hayotida tashqaridan keladigan issiqlik muhim ahamiyatga ega. Quyosh qizdirgan vaqtda o’simlik tanasi harorati atrof-muhit xaroratidan yuqori bo’lishi mumkin. Yoki suv bug’latish kuchli bo’lishi natijasida o’simlik harorati havo haroratidan past bo’lishi mumkin. Havo harorati yuqori bo’lganda o’simlik o’zini suv bug’latish orqali issiqdan saqlaydi.
Issiqlik yetishmaydigan sharoitga moslashishga qarab o’simliklarni uch guruhga ajratish mumkin.
Sovuqqa chidamsiz o’simliklar. Bu o’simliklar 0 S dan yuqoriroq haroratda nobud bo’ladi. Bularga tropik urmon o’simliklari, ilik dengizlardagi suvo’tlar kiradi.
Ayozga chidamsiz o’simliklar. Hujayradagi suv muzlay boshlasa nobud bo’ladi va -5-7 S gacha sovuqqa chidaydi. Bularga ba’zi subtropiklardagi doimiy yashil o’simliklar kiradi.
Sovuqqa chidamli o’simliklar. Bular mavsumiy iqlimga ega, kishi savuq bo’lgan viloyatlarda o’sadigan o’simliklardir.
O’simliklar yuqori haroratga maslashganligiga qarab quyidagi guruhlarga ajratiladi. 1.Issiqqa chidamsiz o’simliklar- +30+40 S da nobud bo’lishi mumkin. Bularga suvo’tlar,
suvda yashaydigan gulli o’simliklar kiradi.
Issiqqa chidamli eukariotlar- quruq iqlim o’simliklari +50+55 S haroratgacha chidaydi.
Issiqqa chidamli prokariotlar -bakteriyalar va ba’zi ko’k-yashil suvo’tlar- +85+90 S gacha chidashi mumkin.
Do'stlaringiz bilan baham: |
