Alisher navoiy nomidagi samarqand davlat univerisiteti

§ 1.2. Relyativistik kosmologiya. 

 

Ma’lumki, nisbiylik nazariyasi katta masalalarning mavjudligi fazo va vaqt 

xususiyatlariga  ta’sir  ko’rsatishi  xulosasiga  olib  keladi.  Bizga  ma’lum  bo’lgan 

Yevklid  fazosi  xususiyatlari  katta  masalalar  oldida  o’zgaradi,  iborali  qilib 

aytganda,  katta  masalalar  yaqinida  fazo  egrilanadi.  Masalan:  fazoning  egrilanishi 

natijasida  nur  Quyosh  yaqinida  2''  ga  egrilanadi,  uni  Quyoshning  to’la  tutilishi 

vaqtida, Quyosh yaqinidagi yulduzlarning vaziyatini kuzatishda o’lchash mumkin. 

 

Barcha  galaktikalar  to’dalari  gravitatsion  ta’sirning  yig’indisi  bir  butun 

koinotning  egrilanishini  hosil  qilishi  mumkin.  Qayd  qilish  lozimki,  nisbiylik 

nazariyasi  qonunlari  asosida,  masalaning  ixtiyoriy  taqsimlanishida  fazo  va  vaqt 

xususiyatlarini aniqlash masalasi juda murakkabdir. 

 

Hozirgi  zamon  relyativistik  kosmologiya  fani  A.A.  Fridman  ishlaridan 

boshlangan,  u  muhitni  birjinsli  va  izotrop  deb  hisoblab,  koinot  nostatsionar 

bo’lishli,  u  doimo  kengayishi  yoki  siqilishi  kerakligini  isbotladi.  Mos  ravishda 

muhitning  o’rtacha  zichligi  ham  o’zgarib  turishi  kerak.  Relyativistik 

kosmologiyada  ham  koinotning  nostatsionarligi  huddi  klassik  fizikadagidek, 

cheksiz  kengayuvchi  yoki  siqilishi  bilan  almashuvchi  harakatdan  iboratdir. 

Relyativistik  mexanikada  aniqlangan  kritik  zichlikning  qiymati  (1.5)  formula 

yordamida aniqlangan qiymatiga to’g’ri keladi. Relyativistik mexanikaning klassik 

---

 

9 

mexanikadan  farqi,  undan  fazoning  egrilanishi  kelib  chiqishidir.  Kritik  qiymatga 

teng  o’rtacha  zichlikda,  kengayishni  tezligi  cheksiz  nolga  yaqinlashadi,  fazoning 

egriligi  nolga  tengdir  va  Yevklidli  geometriya  xususiyatlariga  egadir.  Boshqa 

barcha  hollarda  fazoning  geometriyasi  noyevkliddir.  Kritik  qiymatdan  kichik 

zichliklarda  fazoning  egrilanishi  manfiy,  katta  zichliklarda  esa  musbatdir.    Mos 

ravishda  birinchi  holda  koinot  hamma  vaqt  kengayadi,  ikkinchi  holda  kengayish 

biror  asrda  siqilishga  almashadi.  Ikkinchi  holda  noyevklid  geometriya  kuchi 

asosida fazo chekli bo’lishi kerak, ya`ni har qanday vaqt momentida chekli hajmga 

va  chekli  massaga  ega  bo’lishi  kerak,  ammo  koinotning  chegarasi  bo’lmasligi 

kerak. 

 

Bunday  chegaralangan  uch  o’lchamli  fazoning  modeli  bo’lib,  kengayuvchi 

sfera  sirti  xizmat  qiladi.  Bunday  modelda,  galaktikalar  tekis  chizilgan  figuralar 

orqali,  tasvirlanadi.  Sfera  yuzining  cho’zilishida,  uning  sathi  va  undagi  figuralar 

orasidagi masofa oshadi. Bunday sfera cheksiz kengaysa ham uning sathi istalgan 

vaqtda  chekli  bo’lishi  mumkin,  bunday  ikki  o’lchamli  fazoda  chegara  mavjud 

emasdir. 

 

Relyativistik kosmologiyada masshtabli faktor  R(t) ning xususiyatlari (1.2), 

(1.3) formulalar yordamida aniqlanuvchi kattaliklar bilan aniqlanadi.