Alisher Navoi haqidagi buyuk shaxslar fikrlari

Alisher Navoi haqidagi buyuk shaxslar fikrlari

58-21 M G’anijonov Muhammadali

Alisherbek tengi yo‘q kishi edi. Turkiy til bila to sheʼr aytubturlar, hech kim onga ko‘p va xo‘b aytqon emas. Olti masnaviy kitob nazm qilibtur, beshi “Xamsa” javobida, yana bir «Mantiq ut-tayr» vaznida «Lisot ut- tayr» otliq. To‘rt g‘azaliyot devoni tartib qilibtur: «G‘aroyib us-sig‘ar», «Navodir ush-shabob», «Badoyi ul-vasat», «Favoyid ul-kibor» otliq. yaxshi ruboiyoti ham bor. Yana baʼzi musannafoti borkim, bu mazkur bo‘lg‘onlarga boqa pastroq va sustroq voqi bo‘lubtur. Ul jumladin insholarini mavlono Abdurahmon Jomiyga taqlid qilib jam qilibtur. Hosiyai kalom, har kimga har ish uchun har xatkim bitibdur, yig‘ishturubtur. Zahiriddin Muhammad Bobur

… Суханварлик мамлакатининг инсоф маснади, адолат байроғини баланд кўтарувчи ва зулм аломатларини йўқотувчи… Низомиддин Мир Алишернинг зоти безанди, билим арбобининг гулзори номуродлик тиканидан тозаланади, ақл ва фикр аҳилларининг тилак дарахтлари унинг (Алишернинг) инъом булути ёмғиридан яшнаб кетди, фазл эгаларининг иқбол ниҳоллари унинг ёрдам боғи шабадаси билан мева беришга киришди…» Мирхонд

Oʻzbekiston istiqlolga erishgan 1991 yilni "Navoiy yili" deb eʼlon qilganimiz, oʻsha unutilmas kunlarda bobomiz ruhini shod etish maqsadida azim poytaxtimiz Toshkentda ul zotning tabarruk nomida milliy bogʻ barpo etib, uning toʻrida shoirga muazzam haykal oʻrnatganimiz bu boradagi xayrli ishlarimizning debochasi boʻlgan edi. Alisher Navoiy xalqimizning ong va tafakkuri, badiiy madaniyati tarixida butun bir davrni tashkil etadigan buyuk shaxs, milliy adabiyotimizning tengsiz namoyandasi, millatimizning gʻururi, shaʼnu sharafini dunyoga tarannum qilgan oʻlmas soʻz sanʼatkoridir. Agar bu zotni avliyo desak, u — avliyolarning avliyosi, mutafakkir desak — mutafakkirlarning mutafakkiri, shoir desak — shoirlarning sultonidir. Ona tiliga muhabbat, uni ulugʻlash, beqiyos boyligi va buyukligini anglash tuygʻusi ham bizning ongu tafakkurimizga, yuragimizga avvalo Navoiy asarlari bilan kirib kelgan. Hazrat Navoiy shunday buyuk zot ekan, uning tafakkur durdonalari boʻlmish boqiy asarlari zamonlar osha yashab kelayotgan ekan, bu ulugʻ merosdan xalqimizni, ayniqsa, yoshlarimizni qanchalik koʻp bahramand etsak, maʼnaviyatni yuksaklikka koʻtarishda, insoniy fazilatlarni kamol toptirishda shunchalik qudratli maʼrifiy qurolga ega boʻla" miz" Islom Karimov