Alijonova durdona farhodjon qizi

O‘zbek tili marketing terminlari paronimiyasi. O‘zbek tilshunosligida qator sohalar terminologiyasi tadqiq qilingan bo‘lib, mazkur tadqiqotlarning aksariyat qismida terminlarning shakl va ma’no munosabatlari (sinonimiya, omonimiya, antonimiya, polisemiya)ga keng va atroflicha to‘xtalib o‘tilgan. Shu an’anaga muvofiq ravishda marketing terminologiyasining tadqiqiga bag‘ishlangan mazkur ilmiy ishimizda ham bu singari hodisalar soha terminologik sistemasida qanday namoyon bo‘lishi o‘rganilmoqda. Marketing terminologiyasida paronimiya hodisa mavjudligi aniqlandi.

Paronimlar til lug‘at boyligining bir qismi. Paronimiya hodisasi murakkab munosabatlardan biri bo‘lib, tilshunoslikdagi eng munozarali masalalardan biridir. Shundan kelib chiqib, paronimlarni tadqiq qiluvchi olimlar bu guruhga mansub so‘zlarni ajratishda ularning talaffuzidagi o‘xshashlikni hal qiluvchi omil sifatida e’tirof etadilar. Mazkur hodisa leksik munosabatlarning boshqa turlari (sinonimiya, antonimiya, omonimiya, polisemiya) kabi terminologik sistemada ham faol ekanligi marketing terminlari misolida kuzatildi. Masalan: abonent – abonement, adresant – adresat, debet – debit, kon’ektura – kon’yuktura, fiks – fisk, eksponat – eksponent.

Kompaniya yuridik shaxslarning turli iqtisodiy faoliyatni amalga oshirish uchun birlashishi.

Kampaniya marketing maqsadlarini amalga oshirishga yo‘naltirilgan izchil va mufassal tuzilgan sxema.

Paronimlar talaffuzi jihatidan yaqin bo‘lgan, aksariyat hollarda bir tovush bilangina farq qiluvchi so‘zlar bo‘lganligi bois ularni bir-birining o‘rnida qo‘llab yuborish hollatlari ehtimoldan xoli emas.

Leksikologiyada so‘zlarning shakl va ma’no munosabatiga ko‘ra turlari va ularda o‘rtasidagi ma’no munosabatlari farqlangani kabi, terminologiyada terminlaraaro shunday munosabatlar sodir bo‘lishini misollar va keltirilgan nazariyalar orqali ko‘rib chiqdik. Terminlar qaysi soha birligi bo‘lishidan qat’iy nazar unda til unsurlari o‘z aksini topadi. Til qonuniyatlariga bo‘ysunadi. Shunday qilib, marketing terminlarida ma’no munosabatlari o‘z ichiga sinonim, omonim, antonim, paronim, shuningdek polisemantik xususiyatlarni ham oladiki, bu hodisalar bilan soha terminologiyasi til xususiyatlari o‘rganib chiqildi.