Alijonova durdona farhodjon qizi

Terminlari omonimiyasi. Tilshunoslikda leksemalar o‘rtasida shakl munosabatiga ko‘ra amal qiluvchi hodisalardan biri omonimiyadir. Omonim so‘zlar shaklan aynan teng bo‘lishiga qaramasdan ular o‘rtasidagi ma’no bog‘liqligi zanjiri mavjud emas. T.B.Nazarovaning tadqiqotlarida omonimlarni shakllantiruvchi ikkita manba ko‘rsatib o‘tiladi:

a) turli til birliklarining talaffuzda o‘zoro mos kelib qolishi;

b) qachondir bir so‘z tarkibida mavjud bo‘lgan ko‘p ma’nolilikning yo‘qolishi (ma’no bog‘liqlik zanjirining uzilishi) natijasida yuzaga kelgan shakliy o‘xshashlik. Leksik omonimiyadan farqli o‘laroq, terminologik omonimiya o‘z yechimini kutayotgan dolzarb masalalardan biridir. Quyidagi terminlarni misol tariqasida ko‘ramiz: Bozorboshi – 1. Bozorning asosiy bosh maydoni., 2. Bozor boshlig‘i. Bozorbon – 1. Bozor qorovuli., 2. Bozor boshlig‘i.

Blokbaster ingliz tilidan o‘zlashgan omonim termin: 1. Bozori chaqqon kinofilm., 2. Shahardagi ko‘chmas mulk sohasidagi kommersant. Tahlillar natijasida terminologik omonimiyani yuzaga keltiruvchi omil sifatida o‘zga til va sohalardan so‘z o‘zlashtirishni, terminlashishni qayd qilish mumkin.