Alifbe bayrami” ssenariysi boshlovchi

Boshlovchi:-Bolajonlar biz qayerda yashaymiz?

O’quvchilar:-O’zbekistonda.

Boshlovchi:- O’zbekiston qanday davlat?

O’quvchilar:-Mustaqil davlat.

Boshlovchi:- O’zbekistonning davlat ramzlarini ham bilasizmi?

(O’quvchilar davlat ramzlari va Vatan haqida she’rlar aytadilar.Barcha o’quvchilar O’zbekiston Respublikasi madhiyasini kuylaydi).

Boshlovchi:-Rahmat bolajonlar!

Mana, siz shuncha narsalarni bilib olibsizlar. Qani ayting-chi, buni siz qayerda o’rgandingiz?

Hamma:-Maktabda.

O’quvchi:

Salom senga maktabim,

Bilim olish – maqsadim.

Urishtirib harflarni,

Tuzaman ko’p gaplarni.

Hozircha dars boshlanar,

Qo’lni bering oshnalar.

Qanot bog’lab parvozga,

Ergashamiz ustozga.

(O’quvchilar birma-bir chiqib , maktab, ustozlar haqida she’r aytadilar).

Boshlovchi:

Bilsangiz, bor bir kitob,

Kitoblarning bobosi.

Kitobmas go’yo oftob,

Yo’qdir uning bahosi.

Bugun bayram sababkori,

Bilimlar poydevori.

Qani alifbe o’zi,

Ma’noli har bir so’zi.

Barobar qarsak chalsak,

“Alifbe”ni chaqirsak,

Hamma:

Alifbejon, kelaqol,

Olqishlarga quloq sol!

(Davraga “Alifbe”kitobi kirib keladi).

Salom aziz bolalar,

Chiroyli gul-lolalar.

Nimalarni bildingiz,

Qay she’rni yod oldingiz?

(O’quvchilar Alifbe haqida she’rlardan o’qib beradilar).

O’quvchi:

Alifbeni endi men,

Hech qiynalmay o’qiyman.

Unli, undosh harflardan,

Ma’noli so’z to’qiyman.

(O’g’il bolalar ijrosida o’yin).