Albigoyichilar urushi

Rech Pospolita –
XV – XVIII asr oxirlarida seym tomonidan saylab qoyiladigan qirol 
boshchiligidagi monarxiyaning o’ziga xos formasiga ega bo’lgan Polsha davlatining nomi. 
Rikos ombres – 
O’rta asr Ispaniyadagi oliy zodagon. 
Rus haqiqati –
qadimgi rus huquqlari nomlari to’plami. Qadimgi Rusda huquqiy va ijtomoiy 
munosabatlar va ayniqsa qaram bo’lgan aholining ayrim guruhlari (smerdlar, zakuplar, xoloplar) 
ning mavqei haqida guvohlik beradigan manba. Odam o’ldirganlik, haqorat qilganlik va mulkni 
o’g’irlaganlik uchun beriladigan jazolarning bayoniga katta o’rin berilgan. 
Sali haqiqati –
sali franklari oddiy huquqlarining yodgorligi, Frank davlati ko’pchilik 
aholisining huquq manbalari, dastlabki varvar haqiqatlaridan biri VI asr boshlarida qirol Xlodvig 
(481-511) buyrug’i bilan yozilgan, uning vorislari davrida qo’shimchalar kiritilgan va qayta 
ishlangan. Sali haqiqatida franklarning moddiy madaniyati va xo’jaligining ahvoli haqida to’la 
ma’lumotlar berilgan. U franklar o’rtasida huquqiy jihatdan rasmiylasha borgan ijtimoiy 
tabaqalanishning boshlanish jarayonidan guvohlik beradi. 

---

Salib yurishlari –
G’arbiy Yevropa feodallarining 1096-1270 yillarda katolik cherkovi 
tashabbusi bilan Falastindagi xristian avliyolarini musulmon dini hukmronligidan ozod qilish 
uchun olib borilgan bosqinchilik urushlari. 
Sekulyarizatsiya –
cherkov mulklari (ko’pincha yerni) davlat ixtiyoriga olish; Sekulyarizatsiya 
Frank davlatida Karl Martel (715-741) davrida, Vizantiyada butga qarshi kurashuvchi imperatorlar 
Isavrkar sulolasi (171-802) davrida keng ko’lamda tarqalgan edi. Biroq Sekulyarizatsiyaning eng 
kuchaygan davri XVI –asrga to’g’ri keladi va bu reformatsiya bilan bog’liq bo’lgan edi. 
Seneshal –
V- VIII asrda Frank davlatida qirol saroyning bosh ish boshqaruvchisi . Seneshallar 
VIII asrga kelib sud va harbiy vakolatlarga ega bo’ldi. Seneshallar VIII asrdan boshlab qirol 
chinovnigi, Fransiyaning janubi va G’arbida juda keng ko’lamda sud, ma’muriy, moliyaviy va 
harbiy vakolatlarga ega bo’lgan hamda ko’proq mahalliy feodal zodagonlardan tayinlab 
qoyiladigan sud ma’muriy okrugi (seneshallik)ning boshlog’i. XVI asrdan boshlab Seneshallar 
faqat harbiy vakolatlarni o’zida saqlab qoladi. Seneshallar mansabi buyuk fransuz inqilobi davrida 
bekor qilindi. 
Senyor –
feodal jamiyatida o’ziga qarashli yerlarida yashab turuvchi yirik yer egasi, va shu 
bilan birga o’z vassallari hamda unga qaram bo’lgan aholilar uchun hukmdor.