Al-xorazimiy nomidagi urganch davlat universiteti

таржимаси).  Т.:  Шарк,  1999.- Б.86.
143 Ан-Насавий.  Курсатилган асари. -  Б.  312. Яна каранг:  З.Буниёдов курсатилган асар. -  Б.128.
144 Ан-Насавий.  Курсатилган асар,  65-боб.  -  Б.  181  ва кейингилари.
91

---

Poytaxtdagi  singari,  viloyatlarda  ham  vazirga  qarashli  bir  oz  kichikroq 
devonlar  bo’lgan.  Devoni  viloyat  -   devoni  istifo,  devoni  ishraf,  devoni  nazar  va 
devoni arz kabi idoralar mavjud edi.
Viloyatda  vazirdan  keyin  eng  nufuzli  mansab  egasi 
omil 
bo’lgani  haqida 
ma’lumot  mavjud.  Omil  “voliy”  ma’nosida  ishlatilgan.  Omil  boshqaruvchi  yoki 
noib  kabi  vakolatga  ega  bo’lgan  va  asosan  soliq  to’plash  bilan  shug’ullangan. 
Uning bundan tashqari, ba’zi boshqaruv vakolatlari ham bo’lganligi ma’lum145.
Otabek 
-   “Ota”  va  “bek”  so’zlaridan  tashkil  topgan.  Bu  unvon,  dastlab, 
saljuqiylar  davrida  joriy  etildi.  Dastlab,  saljuqiylarning  mashhur  vaziri 
Nizomulmulkka  shu  unvon  berilgan  edi.  Manbalardan  ma’lum  bo’lishicha, 
otabeklik  saljuqiylar  davrida  yuksak  unvon  edi.  Sultonlar  imperiya  hududlarini 
sulola  a’zolariga taqsimlab  bergan vaqtlarida kichik yoshdagi  shahzodalarga vasiy 
va  murabbiy  sifatida  otabek  tayinlar  edilar.  Ular  o’z  xizmati,  sadoqati  va  kuch- 
qudrati bilan tanilib, buyuk amir darajasiga ko’tarilgan qo’mondon orasidan tanlab 
olinardi.  Otabeklikka asosan yuqori lavozimda ishlab turgan  obro’li  o’g’uz beklari 
yoki  sulton  mamluklari  tayinlangan.  Saljuqiylar  davlati  buning  yorqin  misolidir. 
Masalan,  Alouddin  Qayqubod  G’iyosiddin  Kayxusravga  yangi  zabt  qilingan 
Arzinjon  viloyatini  bergan  vaqtida  unga  Muboriziddin  Erto’qo’shni  otabek  etib 
tayinlagan edi.  Otabeklar mustaqil bir hukmdor noibi maqomida turardilar.
Shihna 
-   viloyatning  jamoat  tartibini  saqlash  bilan  shug’ullangan.  U 
xalqning tinchligi,  osoyishtaligi  va  farovonligini  ta’minlagan,  omilga  soliq yig’ish 
masalalarida  yordam  bergan.  Aftidan  shixna  harbiy  toifaga  mansub  bo’lgan. 
Bulardan tashqari, rais lavozimi ham bor edi.
Rais 
-   bu  lavozim  har  bir  qal’a,  shahar  va  tumanda  bo’lgan.  Bu  lavozim 
egasi  shaharning  obro’li kishilari  orasidan mahalliy  aholi  tomonidan  saylangan va 
shahar  miqyosida  shihna  vazifasini  o’tagan.  Raislar viloyat  voliysiga bo’ysungan.