Al-xorazimiy nomidagi urganch davlat universiteti

saroy boshqaruv tizimi, unvonlar va mansablar.
3.1.  Xorazmshohlar  -   Anushteginlar  davlatining  ma’muriy  va 
boshqaruv tizimi.
3.2.  Xorazmshohlar  -   Anushteginlar  davlatida  saroy  boshqaruv 
tizimi, unvonlar va mansablar.
Xulosa.
Foydalanilgan adabiyotlar va manbalar ro’yxati.
3

---

Kirish.
Mavzuning  dolzarbligi.  Xorazm  sivilizatsiyasi,  bu  vohada  shakllangan 
qadimiy Xorazm davlati nafaqat Markaziy Osiyo, balki jahon tarixida alohida o’rin 
egallaydi.  Asrlar  davomida  bu  hududda  shakllanib,  rivojlangan  davlatlar  o’zbek 
davlatchiligining  muhim  bosqichlarni  tashkil  qiladi.  Xorazm  vohasi  qaysi  bir 
saltanat  va  davlat  tarkibida  bo’lmasin  o’ziga  xos  tarixi  hamda  madaniyati  bilan 
ajralib,  uning  moddiy  va  ma’naviy  merosi  o’zbek  xalqining  boy  o’tmishining 
namunasidir.
Shuning  uchun  ham  Islom  Karimov  Xorazm  tarixi  va  uning  ahamiyati 
borasida  quyidagi  xulosalarini  bergan:  “O’zbek  davlatchiligining  tamal  toshlari 
bundan  2700  yil  muqaddam  aynan  Xorazm  vohasida  qo’yilgan...  Xorazm  tarixi 
o’zbek  davlatchiligining  asosi,  uning  qudrati  va  qadimiyligining  tasdig’idir... 
Xorazm  hamda  Xiva  tarixi  xalqimizning  yozuv,  ilm-fan,  sanat,  madaniyat  va 
manaviyat  sohalaridagi  yuksalish  bosqichlarini  o’zida  mujassam  etadi...  Bugun 
bolalarimiz  maktablarda  va  oliy  o’quv  yurtlarida  o’rganadigan  algebra,  algoritm 
kabi  kashfiyotlarga  asos  solgan  Muhammad  Muso  al-Xorazmiy  bu  go’zal  voha 
nomini  dunyoga mashhur etgan.  Atlantika ummoni  ortida Amerika qitasi borligini 
Xristofor  Kolumbdan  500  yil  avval  bashorat  etib,  hattoki  uning  xaritasini  chizib 
qoldirgan  buyuk  ajdodimiz  Abu  Rayxon  Beruniy  mana  shu  muqaddas  zaminda 
tug’ilgan1”.
Ayni  shu  so’zlarni  Xorazm  tarixi  va  madaniyatini  uzoq  asrlar  osha 
bizgacha  yetib  kelgan  yozma  manbalarning  ma’lumotlari  ham  isbotlab  beradi. 
1998-yili  Islom  Karimov  bir  guruh  tarixchilar  bilan  uchrashar  ekan,  o’zbek 
davlatchiligi  tarixini  manbalar  asosida  jiddiy  o’rganishni  muhim,  dolzarb  ilmiy 
yo’nalish sifatida belgilab bergan  .  Keyinchalik O’zbekiston Respublikasi Vazirlar 
Mahkamasining  “O’zbekiston  FA  Tarix  instituti  faoliyatini  takomillashtirish”